Pattanam Port

திருச்செந்தூரில் விபத்துகளை தவிர்க்க வேகத்தடை அமைக்க வேண்டும் பொதுமக்கள் வலியுறுத்தல்

2012-01-28T20:27:00.001-08:00

திருச்செந்தூர், : திருச்செந்தூரில் விபத்து களை தவிர்க்க வேகத்தடைகள் அமைக்க வேண்டும் என பொதுமக்கள் கோரிக்கை விடுத்துள்ளனர்.
திருச்செந்தூர் அரசு மருத்துவமனை அருகே திருநெல்வேலி சாலை சந்திக் கும் இடத்தில் அடிக்கடி விபத்துகள் நடக்கின்றன. திருநெல்வேலி சாலையிலிருந்து திருச்செந்தூருக் குள் நுழையும் வாகனங்கள் அரசு மருத்துவமனை சந்திப்பில் இடது மற்றும் வலது புறங்களில் வேகமாகத் திரும்புவதால் விபத்துகள் ஏற்படுகின்றன. மேலும் திருநெல்வேலி சாலையிலிருந்து பழைய பஸ் நிலையத்திற்கு திரும்பும் பஸ்கள் அதி வேகமாக இடதுபுறம் திரும்புவதால் ஆர்ச் பகுதியிலிருந்து பழைய பஸ் நிலையம் செல்லும் மற்றும் வடக்கேயிருந்து தெற்கு நோக்கி வரும் வாகனங்கள், நடந்து செல்வோர் நிலைகுலைகின்றனர்.
இதேபோல் திருச்செந் தூர் தெப்பக்குளம் சந்திப்பு பகுதியிலும் பரமன்குறிச்சி மற்றும் குலசேகரன்பட்டினம் சாலைகளில் இருந்து வரும் வாகனங்கள் வேக மாக வந்து நகருக்குள் நுழை வதால் அங்கும் அடிக்கடி விபத்துக்கள் நிகழ்கின்றன. எனவே அரசு மருத்துவ மனை மற்றும் தெப்பக்குளம் சந்திப்புகளில் வேகத்தடைகள் அமைத்தால் விபத்துகளை தவிர்க்கலாம் என பொதுமக்கள் கருதுகின்றனர். எனவே திருச்செந்தூரில் அரசு மருத்துவமனை சந்திப்பு பகுதியில் உள்ள திருநெல்வேலி சாலை யிலும், தெப்பக்குளம் சந்திப்பில் பரமன்குறிச்சி மற்றும் குலசேகரன்பட்டினம் செல்லும் சாலைகளிலும் வேகத்தடைகள் அமைக்க சம்பந்தப்பட்ட அதிகாரிகள் உரிய நடவடிக்கை எடுக்க வேண்டும் என பொதுமக்கள் வலியுறுத்தியுள்ளனர்.

தமிழகத்திற்கு 1000 மெகாவாட் மின்சாரம் தரவேண்டும்: கூடங்குளம் உதயகுமார் வலியுறுத்தல்

2012-01-22T22:37:00.000-08:00

தமிழக அரசு கேட்டுக் கொண்டபடி 1000 மெகாவாட் மின்சாரத்தை மத்திய அரசு உடனடியாக தரவேண்டும் என்று கூடங்குளம் போராட்ட குழு ஒருங்கிணைப்பாளர் உதயகுமார் வலியுறுத்தியுள்ளார்.கூடங்குளம் அணுஉலையை மூடக்கோரி தூத்துக்குடி மாவட்ட அணுசக்திக்கு எதிரான மக்கள் இயக்கம் சார்பில் திருச்செந்தூர் தேரடி திடலில் நேற்று ஆர்ப்பாட்டம் நடந்தது. இதில் திரளான பெண்கள் கலந்து கொண்டனர்.கூடங்குளம் அணுஉலையை மூடக்கோரி தூத்துக்குடி மாவட்ட அணுசக்திக்கு எதிரான மக்கள் இயக்கம் சார்பில் திருச்செந்தூர் தேரடி திடலில் நேற்று ஆர்ப்பாட்டம் நடந்தது. போராட்டக் குழு ஒருங்கிணைப்பாளர் உதயகுமார் தலைமை வகித்தார்.
அமலிநகர் பங்குதந்தை டிக்சன் வரவேற்றார். அடைக்கலாபுரம் அறநிலை அறக்கட்டளை இயக்குனர் செல்வராஜ், பாஜ நிர்வாகி ராஜலிங்கம், மாவட்ட நாட்டுப்படகு மீனவர் சங்க தலைவர் மணவை கயஸ், விடுதலை சிறுத்தை மாவட்ட செயலாளர் தமிழினியன், விவசாயசங்கம் அருள்தாஸ், ஆலந்தலை ரமேஷ், அமலிநகர் செல்வராஜ் உள்ளிட்ட பலர் பேசினர்.
பின்னர் போராட்ட குழு ஒருங்கிணைப்பாளர் உதயகுமார் செய்தியாளர்களிடம் கூறுகையில், மத்திய அரசிடம் தமிழக அரசு கேட்டுக் கொண்டபடி 1000 மெகாவாட் மின்சாரத்தை உடனடியாக தரவேண்டும். மாற்று மின் திட்டங்களுக்கு தமிழக அரசு கோரியிருக்கும் நிதி உதவியை மத்திய அரசு வழங்க வேண்டும்.மத்திய அரசில் அங்கம் வகிக்கும் தமிழகத்தை சேர்ந்த அமைச்சர்கள் இந்த கோரிக்கைகளை வலியுறுத்த வேண்டும். 160 நாட்களுக்கு மேல் போராட்டம் நடந்தும் கூடங்குளம் பகுதி மக்களை மத்திய அமைச்சர் நாராயணசாமி மதிக்காமலும், அயல்நாட்டு பணம் வருகிறது எனவும் கொச்சைப்படுத்தி பேசி வருகிறார் என்றார்.இதில் அமலிநகர், ஆலந்தலை, மணப்பாடு, கூடுதாழை, கூட்டப்பனை, சாயர்புரம் சுப்பிரமணியபுரம், கொம்புத்துறை உள்ளிட்ட பல பகுதிகளில் இருந்து திரளானோர் கலந்து கொண்டனர்.

தொப்பை குறைய........ என்னன்ன சாப்பிடலாம்?

2011-12-29T20:02:00.000-08:00

இஞ்சி சாறு தேன் கலந்து தினமும் சாப்பிட தொப்பை குறையும்.

அன்னாசிப் பழத்தை சிறு துண்டுகளாக்கி நான்கு தேக்கரண்டி ஓமத்தை பொடி செய்து அன்னாசியுடன் சேர்த்துக் கிளற வேண்டும். பின் ஒரு டம்ளர் நீர் ஊற்றி இரவிலேயே கொதிக்க வைத்து இறக்கி மூடி வைக்க வேண்டும். மறுநாள் காலையில் அதை நன்கு பிழிந்து சக்கையை நீக்கிவிட்டு சாரை வெரும் வயிற்றில் அருந்த வேண்டும். தொடர்ந்து பத்து நாட்கள் மட்டும் இதை அருந்தினால் தொந்தி கரைந்துவிடும். இதோடு யோகா, உடற்பயிற்சி, அளவான சாப்பாடு இவற்றையும் தொடர வேண்டும்.

காலை காலையில் எழுந்த உடன் சூரிய குளியல் பண்ண வேண்டும். அப்புறமா 5டம்ளர் தண்ணீர் குடிக்க வேண்டும்.. ஒரு பாத்திரத்தில் கொஞ்சம் தண்ணீர் எடுத்து அதில் பத்து துளசி இலைகளை போட்டு ஊறவைத்து காலையில் அந்த தண்ணீரை வெறும் வயிற்றில் குடிக்க வேண்டும்.

காலையில் காப்பி குடிக்கூடாது இதுக்கு பதிலாக சுக்கு காபி குடிக்கலாம்
ஒருமணிநேரம் கழித்து எழுமிச்சை சாறுடன் தேன் கலந்து சாப்பிடலாம்.
காலை 9 மணியளவில் 1 டம்ளர் கேழ்வரகு கஞ்சி அல்லது பார்லி கஞ்சி சாப்பிடலாம். அப்புறம் சாத்துக்குடி ஜூஸை கொஞ்சம் தேன் கலந்து சாப்பிடலாம்.

காலை 10 மணி. – சாம்பல் பூசணி சாறு அல்லது முள்ளங்கி சாறு குடிக்கலாம்

காலை 11 மணி – அவலை ஊறவைத்து அதனுடன் நாட்டுச் சர்க்கரை , வாழைப்பழம், கொஞ்சம் ஏலக்காய் பொடி எல்லாவற்றையும் சேர்த்து அப்படியே சாப்பிடலாம்.

மதியம் சாப்பாட்டுக்கு 20 நிமிடத்திற்கு முன்னாடி காய்கறி சாலட் சாப்பிடலாம். அப்புறம் மதிய சாப்பாட்டுக்கு கீரையைப் பாதி வேகவைத்து அதில் ஊறவைத்த பச்சைப் பாசிப் பருப்பை சேர்த்து அரிசியைக் குறைத்து நிறையக் காய்கறிகள் சேர்த்துச் சாப்பிடலாம்.

மாலை4 மணி : முளைவிட்ட தானியங்கள் ஏதாவது ஒன்றை 4 டீஸ்பூன் எடுத்து அதில் கொத்துமல்லி, புதினா இலைகள், எலுமிச்சைச் சாறு பிழிந்து சாப்பிடலாம். அப்புறம் காப்பிக்குப் பதில் சுக்கு, கொத்துமல்லி கலந்த காப்பி சாப்பிடலாம்.

மாலை 6 மணி : சிறிது வேகவைத்த முளைவிட்ட தானியத்தைச் சாப்பிடலாம்.

இரவு 8 மணி: சாப்பிடுவதற்கு 20 நிமிடத்திற்கு முன்பாக பச்சைக் காய்கறி சாப்பிடலாம. பசும்பாலுக்குப் பதில் சோயா பால் சாப்பிடலாம்.

செந்தூர் எக்ஸ்பிரஸ் 27ம் தேதி முதல் தினந்தோறும் இயக்கப்படும்: டி.ஆர்.பாலு தகவல்

2011-09-25T03:44:00.000-07:00

திருச்செந்தூர்- சென்னை இடையே ஓடும் செந்தூர் எக்ஸ்பிரஸ் ரெயில் தினமும் இயக்கப்படும் என்று டி.ஆர்.பாலு எம்.பி. கூறினார்.இது குறித்து அவர் வெளியிட்டுள்ள அறிக்கை:சென்னை- திருச்செந்தூர் இடையே வாரம் இருமுறை இயங்கி வரும் செந்தூர் எக்ஸ்பிரஸ் ரெயிலை தினமும் விடக் கோரி
திருச்செந்தூர் பயணிகள் என்னிடம் கோரிக்கை வைத்திருந்தனர்.அவர்களின் கோரிக்கையை ஏற்று, வாரம் இருமுறை இயங்கி வரும் செந்தூர் எக்ஸ்பிரஸ் ரெயில் வருகிற 27-ந் தேதி முதல் தினசரி ரெயிலாக இயக்கப்படும்.திருவாரூர் மாவட்டம் மன்னார்குடியில் இருந்து சென்னைக்கு மன்னார்குடி- நீடாமங்கலம் அகல ரெயில் பாதையில் முதன் முறையாக மன்னை எக்ஸ்பிரஸ் என்ற பெயரில் புதிய ரெயில் இயக்கப்படுகிறது. இந்த ரெயில் மன்னார்குடி, தஞ்சை, கும்பகோணம் வழியாக சென்னைக்கு செல்லும்.மன்னார்குடி எக்ஸ்பிரஸ் ரெயில் தொடக்க நிகழ்ச்சி வருகிற 27-ந் தேதி வியாழக்கிழமை மாலை 4 மணிக்கு மன்னார்குடியில் நடக்கிறது. இந்த ரெயிலில் முதல் பயணியாக நான் செல்கிறேன். மன்னார்குடியில் இருந்து கன்னியாகுமரி, மேட்டுப்பாளையம், டெல்லி ஆகிய இடங்களுக்கும் ரெயில்களை இயக்க முயற்சி மேற்கொள்ளப்படும்.இவ்வாறு அந்த அறிக்கையில் டி.ஆர். பாலு எம்.பி. கூறினார்.செந்தூர் எக்ஸ்பிரஸ் திருச்செந்தூரில் இருந்து தினமும் இரவு 7.30 மணிக்கு புறப்பட்டு, மறுநாள் காலை 11.40 மணிக்கு சென்னை எழும்பூர் சென்றடையும். பின்னர் அந்த ரெயில் எழும்பூரில் இருந்து மாலை 4.05 மணிக்கு புறப்பட்டு மறுநாள் காலை 6 மணிக்கு திருச்செந்தூரை வந்தடையும் என்று ரெயில்வே அதிகாரி ஒருவர் கூறினார்.

பனிமயமாதா ஆலய திருவிழா கொடியேற்றத்துடன் கோலாகல துவக்கம்

2011-07-27T07:18:00.000-07:00

தூத்துக்குடி பனிமயமாதா ஆலய திருவிழா கொடியேற்றத்துடன் வெகு விமரிசையாக துவங்கியது. வருகிற 5ம் தேதி தேர்பவனி நடைபெறுகிறது.தூத்துக்குடியில் புகழ்பெற்ற பனிமயமாதா ஆலய திருவிழா ஒவ்வொரு ஆண்டும் ஜூலை 26ம் தேதி கொடியேற்றத்துடன் துவங்கி ஆகஸ்ட் 5ம் தேதி வரை 10 நாட்கள் கோலாகலமாக நடைபெறும். இந்தாண்டிற்கான ஆலய திருவிழா இன்று காலை கொடியேற்றத்துடன் துவங்கியது.

கொடியேற்றத்தை முன்னிட்டு இன்று அதிகாலை 6.30 மணிக்கு மூன்றாம் திருப்பலி நடந்தது. அதைத் தொடர்ந்து காலை 7.30 மணிக்கு ஆயர் இவோன் அம்புரோஸ் தலைமையில் கூட்டுத்திருப்பலியும் நடந்தது. பின்னர், கொடி கோவிலில் இருந்து ஊர்வலமாக எடுத்துச் செல்லப்பட்டு கொடி கம்பத்திற்கு கொண்டு வரப்பட்டு. அங்கு கொடிக்கு ஆராதனைகள் செய்ய்பட்டது.பின்னர், கொடியேற்றும் நிகழ்ச்சி நடந்தது. உலக சமாதானத்தை குறிக்கும் வகையில் வென் புறாக்களை பறக்கவிடப்பட்டன. பழைய துறைமுகத்திலிருந்து சைரேன் ஒலிகள் எழுப்பப்பட்டன. அங்கு கூடியிருந்த 10ஆயிரத்திற்கும் மேற்பட்ட பக்தர்கள் மரியே வாழ்க மரியே வாழ்க என்று விண்ணதிர கோஷமிட்டனர். பின்னர்,காணிக்கையாக கொண்டு வந்த பால், பழங்களை பக்தர்களுக்கு வழங்கப்பட்டது.இந்நிகழ்ச்சியில் மறைமாவட்ட ஆயர் இவோன் ஆம்புரோஸ், பனிமய மாதா ஆலய பங்கு தந்தை வில்லியம் சந்தாணம், உதவி பங்கு தந்தைகள் உபர்ட்டஸ், இன்பேண்ட் மற்றும் தொழிலாளர் நலத்துறை அமைச்சர் சி.த.செல்லப்பாண்டியன் முன்னாள் அமைச்சர் ஜெனிபர் சந்திரன், அதிமுக மாநகரச் செயலாளர் ஏசாதுரை உட்பட பலர் கலந்துகொண்டனர்.திருவிழாவிற்காக தூத்துக்குடி மாவட்டம் மட்டுமின்றி தமிழகத்தின் பல்வேறு பகுதிகளிலிருந்தும், வெளிநாடுகளிலிருந்து பக்தர்கள் தூத்துக்குடி வந்துள்ளனர். வெளியூர் பயணிகளுக்கு தங்க இடவசதி இரண்டு பள்ளிகளில் ஏற்பாடு செய்யப்பட்டுள்ளது.விழாவிற்கான ஏற்பாடுகளை ஆலயத்தின் பங்குதந்தை வில்லியம் சந்தானம், உபர்ட்டஸ், இன்பென்ட், மற்றும் அடைக்கல அன்னை அமலவை அருட்சகோதரிகள், பேராலய மேய்ப்பு பணிக்குழுவினர் மற்றும் பங்கு இறை மக்கள் செய்துவருகின்றனர்.பணிமயமாதா ஆலய திருவிழாவையொட்டி தூத்துக்குடி மாவட்ட எஸ்பி நரேந்திரன் நாயர் உத்தரவின் படி, தூத்துக்குடி நகர துணை கண்காணிப்பாளர் சோனல் சந்திரா தலைமையில், இன்ஸ்பெக்டர் அன்னராஜ் முன்னிலையில், 500க்கும் மேற்பட்ட போலீசார் பாதுகாப்பு பணியில் ஈடுபட்டு வருகின்றனர்.மேலும், வடபாகம் இன்ஸ்பெக்டர் வீமராஜ் தலைமையில் 8 தனிப்படை போலீசார் சிறப்பு பாதுகாப்பு பணியில் ஈடுபட்டுள்ளனர். மேலும், ஆலயத்தைச் சுற்றி 10க்கும் மேற்பட்ட இடங்களில் கண்காணிப்பு கேமரா பொருத்தப்பட்டு கண்காணிக்கப்பட்டு வருகிறது.

மீனவர்களை கண்டுகொள்ளாத மாவட்ட நிர்வாகம்!!!

2011-07-27T07:08:00.001-07:00

தூத்துக்குடியில் மாதந்தோறும் மீனவர் குறைதீர்க்கும் நாளை உடனே தவறாமல் நடத்த வேண்டும் என கடலோர மக்கள் கூட்டமைப்பு கேட்டுக் கொண்டுள்ளது.இது குறித்து கடலோர மக்கள் கூட்டமைப்பு வெளியிட்டுள்ள கோரிக்கை மனு விபரம்;
புதிய அரசு பொறுப்பேற்று மூன்று மாதங்கள் ஆகியும் தூத்துக்குடி மாவட்டத்தில் மாதந்தோறும் நடக்க வேண்டிய மீனவர் குறை தீர்க்கும் நாளை இது வரையிலும் நடத்தாமல் மாவட்ட நிர்வாகமும், மீன் வளத்துறையும் வேண்டுமென்றே சாக்கு போக்கு சொல்லி திட்டமிட்டே தள்ளிப் போட்டுக் கொண்டிருக்கிறது.
தூத்துக்குடி மாவட்டத்தில் புதிய அரசு பொறுப்பேற்ற பிறகு விவசாயிகள் குறை தீர்க்கும் நாள் தொடர்ந்து மூன்று மாதங்களாக நடைபெற்று வருகிறது. அண்டை மாவட்டமான கன்னியாகுமரி மாவட்டத்தில் மீனவர் குறைதீர்க்கும் நாள் மாதம் தவறாமல் நடந்து வருகிறது. ஆனால், தூத்துக்குடி மாவட்டத்தில் திட்டமிட்டே கூட்டம் நடத்தப் படுவதில்லை.கடந்த 18.07.2011 அன்று திரேஸ்புரத்தில் இருந்து கடலுக்கு மீன் பிடிக்கச் சென்ற ஐந்து மீனவர்களில் நான்கு மீனவர்கள், கடலில் ஏற்பட்ட சூறாவளிக் காற்றால் அவர்கள் சென்ற படகு கவிழ்ந்து பரிதாபமாக உயிர் இழந்தனர். அவர்களுக்கு முதலமைச்சரின் பொது நிவாரண நிதியில் இருந்து தலா ஒரு இலட்சம் வழங்கப்பட்டது.ஆனால் கடந்த 23.07.2011 அன்று கீழ்ப்பாக்கம் மருத்துவமனையில் மின் கசிவால் இறந்து போன மூன்று நோயாளிகளுக்கு முதலமைச்சர் பொது நிவாரண நிதியில் இருந்து தலா இரண்டு இலட்சம் வழங்கப்பட்டது .இது தவிர நாமக்கல் மாவட்டம் திருச்செங்கோடு நகர போக்குவரத்து காவல் நிலையத்தில் காவலராகப் பணிபுரிந்த செல்வராஜ் என்பவர் பணியின் காரணமாக சாலை விபத்தில் 02.07.2011 அன்று படுகாயம் அடைந்து, சிகிச்சை பலன் இன்றி மரணம் அடைந்தார். அவரது குடும்பத்திற்கு முதலமைச்சர் பொது நிவாரண நிதியில் இருந்து கடந்த 24.07.2011 அன்று இரண்டு இலட்சம் வழங்கப் பட்டது .கடந்த இரு வாரங்களில் நடந்த இந்த மூன்று மரண நிகழ்வுகளிலும் கடலில் இறந்த நான்கு மீனவர்களின் உயிர் மட்டும் தமிழக அரசுக்கு அவ்வளவு மலிவாகப் போய்விட்டது. விபத்தில் இறந்த நோயாளிகளுக்கு இரண்டு இலட்சம் கொடுக்கும் அரசு,பணியில் இருந்த காவலருக்கு இரண்டு இலட்சம் கொடுக்கும் அரசு, நாட்டின் உணவுத் தேவையை பூர்த்தி செய்யும் மீனவனுக்கு, நாட்டிற்கு அந்நிய செலவாணியை பெற்றுத்தரும் மீனவனுக்கு, நாட்டின் கடல் எல்லையை காலங்காலமாக எந்த வித சம்பளமும் இன்றி பாதுகாத்து வரும் மீனவனுக்கு, அவர்கள் பணியில் இருக்கும் போது, இயற்கைப் பேரிடர் காரணமாக உயிர் இழந்த மீனவனுக்கு மட்டும் ஒரு இலட்சம்.தமிழகத்தின் தென் பகுதி கடலோர மாவட்டங்களைப் பார்வையிட வந்த தமிழக மீன்வளத்துறை அமைச்சர், ஜெயபால் தூத்துக்குடி மாநகரத்திற்கு வந்தும் கூட இறந்து போன நான்கு மீனவர் குடும்பத்திற்கு ஆறுதல் சொல்ல வரவில்லை. மருத்துவமனையில் சிகிச்சை பெற்று வரும் பாலுவையும் சந்திக்க வரவில்லை. அவருக்கு எந்த நிவாரணமும் இல்லை .இறந்து போன சக மீனவர்களுக்கு இரங்கல் தெரிவிக்க, அவர்களின் உடல்களை தேட தொழில் மறியல் செய்த விசைப் படகு மீனவர்களை மீண்டும் கடலில் மீன் பிடிக்க அனுமதிக்க நடவடிக்கை எடுக்காமல், அவர்களின் உழைப்பை பறிக்கும் செயல் பாடுகளை வேடிக்கை பார்க்கும் மீன் வளத்துறை, மாவட்ட நிர்வாகம்,மற்றும் தூத்துக்குடி அமைச்சர்ககளை என்னவென்று சொல்லுவது? கடலில் மீனவர் காணாமல் போன மீனவர்களை தேட வேண்டியக் கடமை அரசை சார்ந்தது. ஆனால், இத்தகைய செலவுகளை மாவட்ட நிர்வாகமோ, மீன்வளத்துறையோ, கடலோரக் காவல் படையோ இது வரையிலும் மேற்கொள்வதில்லை. மீனவர்களே , தங்கள் சொந்தப் பணத்தில் இருந்து இறந்து போகும் தங்கள் சக மீனவர்களைத் தேடிக் கொள்ளவேண்டும் என்பது தான் தலைவிதி! ஆகவே, இத்தகைய சூழலில் அரசு இயந்திரங்கள் தங்களின் பொறுப்புகளை தொடர்ந்து தட்டிக் கழித்தே வருகின்றன. குறைந்த பட்சம் காணாமல் போகும் மீனவர்களை தேடுகிற பொருட்செலவையாவது அரசு ஏற்றுக்கொள்ளலாமே?மேற்கண்ட மாபெரும் சிக்கல்களை, அநீதிகளை, குறைபாடுகளை எடுத்துச் , சொல்வதற்கு மீனவர்களுக்கு இருந்த ஒரே வடிகால் , இந்த மீனவர் குறை தீர்க்கும் நாள் தான் . எனவே மீனவர் குறை தீர்க்கும் நாளை மாதந்தோறும் உடனே தவறாமல் நடத்த நடவடிக்கை எடுக்க வேண்டும் என கேட்டுக் கொண்டுள்ளனர்.

டிப்ளமோ படித்தவர்களுக்கு அபுதாபியில் வேலை

2011-07-08T20:31:00.000-07:00

அபுதாபியில் உள்ள பிளாஸ்டிக் தயாரிப்பு நிறுவனத்திற்கு அனுபவம் வாய்ந்த பணியாளர்கள் தமிழக அரசின் அயல்நாட்டு வேலைவாய்ப்பு நிறுவனம் மூலம் தேர்வு செய்யப்படுகின்றனர்.
இதுகுறித்து நெல்லை மாவட்ட வேலைவாய்ப்பு அலுவலர் நடராஜன் வெளியிட்ட செய்தி குறிப்பு:அபுதாபியில் உள்ள ஒரு முன்னணி பைப் பிட்டிங் நிறுவனத்திற்கு பிளாஸ்டிக் தயாரிக்கும் நிறுவனத்தில் பிளாஸ்டிக் பைப் மற்றும் பிளாஸ்டிக் அடிடிவ் அல்லது மாஸ்டர் பேட்சஸ் தயாரிப்பு நிறுவனத்தில் பணிபுரிந்த அனுபவம் இருக்க வேண்டும்.45 வயதிற்கு மேற்பட்ட 3 ஆண்டுகள் பணி அனுபவம் பெற்ற லைன் (எக்ஸ்ட்ரூடர்) ஆபரேட்டர்கள், பட்டப்படிப்புடன் வேர்ஹவுஸ் பணியாளர்கள், ஸ்டோர் கீப்பர்கள் மற்றும் டிப்ளமோ பயின்று 5 ஆண்டுகள் அனுபவம் பெற்ற சிப்ட் மேற்பார்வையாளர்கள் தேவைப்படுகின்றனர்.தேர்ந்தெடுக்கப்படுபவர்களுக்கு கல்வி மற்றும் அனுபவத்திற்கு ஏற்ற வகையில் நல்ல ஊதியம், அந்த நாட்டின் சட்ட திட்டங்களுக்கு உட்பட்டு இதர சலுகைகள் வழங்கப்படும்.இந்த பணியிடங்களுக்கு விருப்பமும், தகுதியும் உள்ளவர்கள் தட்டச்சு செய்யப்பட்ட சுய விவரங்கள் அடங்கிய விண்ணப்பத்துடன் கல்வி, அனுபவம், பாஸ்போர்ட் மற்றும் புகைப்படத்துடன் அயல்நாட்டு வேலைவாய்ப்பு நிறுவனம், 48, முத்துலட்சுமி சாலை, அடையாறு, சென்னை என்ற முகவரியில் 11ம் தேதி காலை 9 மணிக்கு நடக்கும் நேர்முகத் தேர்வில் கலந்து கொள்ளலாம். மேலும் விவரங்களுக்கு 044 & 24464268, 24464269 ஆகிய தொலைபேசி எண்களில் தொடர்பு கொள்ளலாம்

கைப்பேசியில் இணையம் உபயோகிப்பவரா நீங்கள்? உங்களுக்காக சில...(Some useful tips for Mobile Internet users)

2011-06-26T09:21:00.000-07:00

நம்மில் சில பேர் கைப்பேசி ( ௦௦ ) வழியாக
இன்டர்நெட் பயன்படுத்துவதை பார்த்திருக்கிறோம்...
அவர்களுக்காக சில உபயோகமான தகவல்கள் இதோ..எனக்கு தெரிந்த வரையில்...

மொபைலில் எல்லா மொழிகளிலும் browse செய்ய

முதலில் உங்கள் மொபைல் போனில் GPRS Connection இருக்கவேண்டும்.

இது இருந்தால் தான் இன்டர்நெட் மொபைல் வழியாக உபயோகப்படுத்த முடியும் என்று எல்லோருக்கும் தெரிந்திருக்கும்.

இப்போது உங்கள் மொபைலில், Opera mini browser,ஐ பதிவிறக்கி மொபைலில் இன்ஸ்டால் செய்ய வேண்டும். இதோ இந்த சுட்டி யை கிளிக் செய்து இன்ஸ்டால் செய்து கொள்ளுங்கள்.

பிறகு opera mini browser'ஐ திறந்து அதனுடைய அட்ரெஸ்

பாரில் Opera:config என டைப் செய்து OK அழுத்தவும். பிறகு ஒரு மெனு உங்களுக்குத் தெரியும். அதில் கடைசியாக இருக்கும் Use bitmap fonts for complex scripts gvie என்ற இடத்தில் NO என்று இருக்கும். அதை நீங்கள் YES என்று மாற்றுங்கள் பிறகு saveசெய்து வெளியேறுங்கள். அதற்குப் பிறகு எல்லா மொழிகளிலும் இணையத்தில் தேடுதல் வேட்டை நடத்தலாம். முக்கியமாக நமது தாய் மொழி தமிழிலும்தான்

மொபைல் போனில் எல்லா மொழி செய்தி தாள்களையும் படிக்க

முதலில் உங்கள் மொபைல் போனில் GPRS Connection மூலம் இன்டர்நெட் கனக்ட் செய்து . பிறகு கீழே கொடுத்துள்ள தளத்திற்கு சென்று news hunt என்ற சாப்ட்வேரை டவுன்லோட் செய்து உங்கள் மொபைலில் இன்ஸ்டால் செய்ய வேண்டும்.

இதில் அனைத்து மொழி
செய்தித்தாள்களையும் லைவாக படித்து தெரிந்துக் கொள்ளலாம். இந்த சாப்ட்வேர் முற்றிலும் இலவசமாக கிடைக்கிறது.

News Hunt Download

மொபைலில் தமிழ் மொழியில் டைப் செய்ய

மேலே குறிப்பிட்டது போல செய்தித்தாள்களை உங்கள் மொபைலில் இருந்தே படிப்பது போல, தமிழிலேயே டைப் செய்யவும் வழி இருக்கிறது..

மொபைலில் தமிழ் மொழியில் டைப் செய்ய panini tamil என்ற இலவச சாப்ட்வேரைப் பயன்படுத்தலாம்.

இந்த சாப்ட்வேர் ஒரு சில மொபைல் போன்களுக்கு சப்போர்ட் செய்வதில்லை. மேலும் இந்த தளத்திலேயே எந்த எந்த மொபைல்களுக்கு சப்போர்ட் செய்யும் என்ற விபரமும் கொடுக்கப்பட்டுள்ளது. இதற்காக அந்த தளத்தில் உள்ள Compatible phones என்ற டேப் ஐ அழுத்தி காணலாம். முதலில் இந்த தளத்திற்கு சென்றவுடன் அதன் Header பகுதியில் உங்கள் போனுக்கான மாடலை செட் செய்து கொள்ளவும். பிறகு உங்கள் மொபைலுக்கான Panini Tamil ஐ டவுன்லோட் செய்து பயன்படுத்தவும்.

எச்சரிக்கை! :- பேஸ்புக் பாவனையாளர் புகைப்படங்கள் பாலியல் தளங்களில்!

2011-05-21T08:07:00.000-07:00

நான் சமீபத்தில் ஒரு தமிழ் குழு இணையத்தில் கண்ட செய்தியை உங்களோடு பகிர்ந்து கொள்கிறேன்..இதோ அந்த செய்தி...

நீங்கள் வலையில் மேய்ந்து கொண்டிருக்கும் போது பாலியல் டேட்டின் தளத்தில்
அல்லது அதன் விளம்பரத்தில் உங்களது புகைப்படத்தைப் பார்த்தால் எப்படி
இருக்கும். நீ என்ன லூசா ? என்று என்னைப் பார்த்து
நீங்கள் கேட்பது
புரிகிறது. ஆனால் இதை மறுக்க முடியாத உண்மை. பேஸ்புக்கில் இருந்து இதுவரை
250,000 உறுப்பினர்களின் விவரங்களை டேட்டிங்க தளங்கள் திருடி உள்ள செய்தி
வெளியாகி உள்ளது.
லவ்லி பேசஸ் என்னும் இணையதளம் சமீபத்தில் வெளியானது.
இதில் இப்படியாக பேஸ்புக் பக்கங்களில் இருந்து பல்லாயிரக் கணக்கானோரின்
விவரங்களைத் திருடி வெளியிட்டு இருந்தனர்.
இதனை பேஸ்புக் நிறுவனத்தால் தடுக்கவே முடியாது என்பது இன்னொரு வேடிக்கையான விசயமாகும்.
”
உறுப்பினர்களின் விவரங்களைத் திருடுவது எமதுக் கொள்கைகளின் மீறலாலும் ” என
பேஸ்புக்கின் நிர்வாக இயக்குனர்களில் ஒருவரான பேரி சச்னிட் கூறினார்.
இவ்வாறு அத்துமீறுபவர்கள் மீது சட்ட நடவடிக்கை எடுக்கப்படும் என்றார்.
இருந்தாலும்
இப்படி இணையத்தில் இருந்து உறுப்பினர்களின் விவரங்களை சுடுபவர்களை முற்றாக
ஒன்றும் செய்ய முடியாத நிலையே உண்மையாக இருக்கிறது. காரணம் இவ்விவரங்கள்
அனைத்தும் எதோ ஒருவகையில் பொது உடைமையாக இருப்பதே !
இன்னொரு
வேடிக்கையான சங்கதி என்னவென்றால், பேஸ்புக்கின் நிறுவனர் மார்க்
சக்கர்பெர்க் 2003-களில் ஹார்வார்ட்டில் படித்துக் கொண்டிருக்கும் போது
அந்தப் பள்ளியில் தனது தோழர்களின் புகைப்படங்களை பள்ளி சேர்வரில்
பகிரவும், அதனை அனைவரும் பார்க்கக் கூடிய பேஸ்மாஹ் என்னும் நுட்பத்தைப்
புகுத்தினார். அது பின்னர், பள்ளியில் இருக்கும் அனைத்து ஆண்/பெண்
புகைப்படங்களை உருவி வெளியிட்டு அதில் எது சிறந்தது என மதிப்பீடு போடும்
தளமாக மாறியது, பிற்காலத்தில் அதுதான் பேஸ்புக்காக உருமாறி வந்தது.
இப்போது சொல்லுங்கள் ! பேஸ்புக்கில் இருந்து திருடுபவர்கள் தங்கள் தரப்பு நியாயத்தை சொல்ல இந்த சம்பவங்கள் போதாதா ?
” மார்க் உன்னிடம் இருந்து தான் இதைக் ( திருட்டைக் ) கற்றுக் கொண்டோம் ” என்பார்கள்.
பேஸ்புக்கில்
கணக்கு வைத்திருப்பவர்களும், அல்லது உங்களது வயதுநிரம்பாத பிள்ளைகள்
கணக்கு வைத்திருந்தாலும், கொஞ்சம் உஷாராக இருப்பது நல்லது. பின்னாளில்
வரன் தேடும் தளங்களில் மட்டுமில்லாமல் டேட்டிங்க் தளங்களிலும் உங்கள்
புகைப்படங்கள் வரலாம்.

படித்தவுடன் அதிர்ச்சியாக தான் இருக்கிறது...ஆதலால் நண்பர்களே,சகோதரிகளே, தயவு செய்து உங்கள் புகைப்படங்களை facebook,orkut போன்ற சமூகதளங்களில் பகிர்ந்து கொள்வதையோ,உள்ளிடுவதையோ முடிந்த வரை தவிருங்கள்...குறிப்பாக பெண்கள், உங்களது profile - ல் கூட உங்கள் புகைப்படங்களை உள்ளிடுவதை தவிருங்கள்...இதனை உங்களுக்கு தெரிந்த நண்பர்களிடமும் தெரியப்படுத்தி கொள்ளுங்கள்...

இணையதளத்தில் பதிவு செய்தால் பிளஸ் 2 ரிசல்ட்!

2011-05-07T20:15:00.000-07:00

பொதுநூலக இயக்குநர் இணையதளத்தில் மாணவர்கள் தங்கள் பதிவு எண் மற்றும் செல்போன் நம்பரை பதிவு செய்துவைத்திருந்தால் பிளஸ் 2 தேர்வு முடிவுகளை வரும் 9ம் தேதி காலை 7 மணிக்கு வீட்டில் இருந்தபடியே தெரிந்துகொள்ளலாம்.

இதுகுறித்து தூத்துக்குடி மாவட்ட முதன்மை கல்வி அலுவர் பரிமளா வெளியிட்டுள்ள செய்திக்குறிப்பு; தமிழ்நாடு முழுவதும் வரும் 9ம் தேதி பிளஸ் 2 தேர்வு முடிவுகள் வெளியிடப்படுகின்றன. பிளஸ் 2 தேர்வு முடிவுகள் பல்வேறு இணையதளங்களில்
வெளியிடப்படுகின்றன.இந்நிலையில் சென்னை பொதுநூலக இயக்குநரின் இணையதளமான
http://tnpubliclibraries.gov.in/+2-results.html -ல் மாணவர்கள் தங்களுடைய பதிவெண், பெயர், முகவரி, செல்போன் நம்பர் ஆகிய விவரங்களை பதிவு செய்யும் பட்சத்தில் கட்டணம் ஏதுமின்றி மாணவர்களுக்கு தேர்ச்சி விவரம் பாடவாரியாக பெற்ற மதிப்பெண்களுடன் அனுப்பிவைக்கப்படும்.தேர்வுமுடிவுகள் வெளியிடப்படும் 9ம் தேதி காலை 9.30 மணிக்கு தூத்துக்குடி மாவட்டத்தைச் சேர்ந்த அனைத்து பள்ளிகளுக்கும் மாணவர்களின் மதிப்பெண் பட்டியல்களை தூத்துக்குடி சுப்பையா வித்யாலயம் மகளிர் மேல்நிலைப் பள்ளியில் வைத்து வழங்கப்படும் என தெரிவிக்கப்பட்டுள்ளது.

News : Tutyonline

கடற்கொள்ளையர்களின் பிடியில் புன்னக்காயலைச் சேர்ந்த கப்பல் மாலுமி

2011-05-03T03:09:00.000-07:00

சோமாலிய கடற்கொள்ளையர்களின் பிடியில், கடந்த எட்டு மாதமாக சிக்கித் தவிக்கும், தூத்துக்குடி மாவட்ட கப்பல் மாலுமியை மீட்க வலியுறுத்தி, கலெக்டரிடம் மனு அளிக்கப்பட்டது.

தூத்துக்குடி மாவட்டம் புன்னக்காயலைச் சேர்ந்த மீனவர் லிட்டன் மகன் டனிஸ்டன்(26), தனியார் கப்பலில் மாலுமியாக பணிபுரிகிறார். இந்த சரக்கு கப்பல் கடந்தாண்டு செப்.,28ம் தேதி, பிரான்சிலிருந்து வளைகுடா நாட்டிற்கு சென்ற போது, சோமாலிய கடற்பகுதியில், அந்நாட்டு கடற்கொள்ளையர்கள் இக்கப்பலை சிறைபிடித்து கடத்தினர். இதில் பணிபுரிந்த டனிஸ்டன் உள்ளிட்ட 15 மாலுமிகள், பிணைக்கைதிகளாக வைக்கப்பட்டனர்.
அக்கொள்ளையர்களுக்கும், கப்பல் கம்பெனிக்கும் இடையே நடந்த பேச்சுவார்த்தையில், கடந்த மாதம் எட்டு மாலுமிகளையும், கப்பலையும் விடுதலை செய்தனர். ஆனால், டனிஸ்டன் உள்ளிட்ட ஏழு பேரை மட்டும் அவர்கள் விடுவிக்கவில்லை. இந்திய கடற்படையால் கைது செய்து வைக்கப்பட்டுள்ள சோமாலிய கடற்கொள்ளையர்கள் விடுவிக்கப்பட்டால் மட்டுமே, டனிஸ்டன் உள்ளிட்ட ஏழுபேரும் விடுவிக்கப்படுவர் என, அவர்கள் உறுதியாக கூறிவிட்டனர். கடந்த எட்டு மாதமாக அக்கொள்ளையர்களிடம் சிக்கித் தவிக்கும் டனிஸ்டனை மீட்க வலியுறுத்தி, அவர்களது குடும்பத்தினர் மத்திய கப்பல்துறை அமைச்சர் வாசனுக்கு மனு அனுப்பியுள்ளனர்.

கலெக்டரிடம் மனு:

இந்நிலையில், புன்னக்காயல் கப்பல் மாலுமிகள் சங்க தலைவர் சேவியர் தலைமையில் டனிஸ்டன் தந்தை லிட்டன், குடும்பத்தினர், கிராம மக்கள் நேற்று தூத்துக்குடி கலெக்டர் அலுவலகம் வந்தனர். கடற்கொள்ளையர்களிடமிருந்து, டனிஸ்டனை மீட்க உதவும்படி, கலெக்டர் மகேஸ்வரனிடம் மனு அளித்தனர்.

தந்தை லிட்டன் கூறும்போது,"" கடற்கொள்ளையர்கள் கொடுமைப்படுத்துவதாக கடந்த ஒரு மாதத்திற்கு முன், டனிஸ்டன் போனில் தெரிவித்தான். பின்னர், அவனிடமிருந்து போன் தொடர்பே இல்லை. இதனால் குடும்பத்தினர், ஊர்மக்கள் துன்பத்தில் வாடுகிறோம். எனவே, டனிஸ்டனை மீட்க மத்திய, தமிழக அரசுகள் உரிய நடவடிக்கை எடுக்க வேண்டும்'' என்றார்.

கோடையை சமாளிக்க குளுகுளு டிப்ஸ்

2011-04-28T08:47:00.001-07:00

கோடை வருவதற்கு முன்பே வெயில் வறுத்தெடுக்க ஆரம்பிச்சிருச்சு. கோடையை சமாளிக்க குளுகுளு டிப்ஸ் இங்கே.

காலை நேரங்களில் ஆப்பிள் ஜுஸ் சாப்பிட்டு வரலாம். நாள் முழுவதும் புத்துணர்வாக இருப்பதுடன் ஜீரண சக்தியும் அதிகரிக்கும். இது சருமத்தையும் மென்மையாக வைத்திருக்க உதவும்.

வியர்வை நாற்றத்தைப் போக்க தினமும் பூலாங்கிழங்கு, சந்தனம் தேய்த்துக் குளித்து வந்தால் நாள் முழுவதும் வாசனையாக இருக்கும்.

தினசரி ஒரு தக்காளி சாப்பிட்டு வந்தால் உடல் சூடு தணியும். உடம்பும் தளதள வென்று இருக்கும்.

பேரீச்சம் பழத்தை
வெண்ணையோடு சேர்த்து சாப்பிட்டு வந்தால் இரும்புச் சத்து கிடைக்கும்.

பெண்கள் மற்றும் குழந்தைகளின் தோலின் நிறத்தைப் பாதுகாக்க தினமும் உலர்ந்த திராட்சையை சாப்பிட்டு வரவும்.

குளிக்கும் நீரில் வேப்பிலையை போட்டு வைத்து அரை மணி நேரம் கழித்து குளித்தால் உடம்புக்கு குளிர்ச்சி கிடைக்கும். இது கிருமி நாசினியாகவும் திகழ்கிறது.

கண்கள் குளிர்ச்சி அடைய முருங்கைப் பூவை சமைத்து சாப்பிடலாம். ஒரு துணியில் முருங்கைப் பூவை இடித்துக் கட்டி கண்களின் மேல் 10 நிமிடம் வைக்கலாம். கண்கள் புத்துணர்ச்சியுடன் திகழும்.

நாள்தோறும் கேரட்டை பாலோடு தேன் அல்லது பனங்கற்கண்டு சேர்த்து ஜுஸ் செய்து சாப்பிட்டு வந்தால் கண்கள் தெளிவடையும். உடலில் தசைப்பற்று உண்டாகும்.

பதநீர் குடித்தால் பற்களில் ஏற்படும் ஸ்கர்வி நோய் குணமாகும்.

பாதத்தில் எரிச்சல் ஏற்பட்டால் அதைப் போக்க மருதாணி, எலுமிச்சை சாறு கலந்து பாதங்களில் தடவி சிறிது நேரத்திற்கு பிறகு கழுவவேண்டும்.

பாலில் கொட்டை நீக்கிய பேரீச்சம் பழத்தையும் சர்க்கரையையும் சேர்த்து மிக்சியில் அரைத்துக் குடித்தால் மலச்சிக்கல் நீங்கும். எடை கூடும். சருமம் பளபளக்கும்.

கோடை காலத்தின்போது முகத்தில் வெண்புள்ளிகள் தோன்றுவது சகஜம். இதைப் போக்க தினமும் வெள்ளை கரிசலாங்கண்ணி இலைகள் ஐந்தைப் பறித்து அதனுடன் துளசி இலைகள் மூன்றைச் சேர்த்து மென்று காலை, மாலை வெறும் வயிற்றில் சாப்பிடவேண்டும். தினமும் உணவில் மிளகு, வல்லாரை, சுண்டைக்காய் சேர்த்துக் கொள்ளலாம்.

சம்பா அரிசியை சமைத்துச் சாப்பிட்டு வந்தால் தோலின் தன்மை மென்மையாக மாறுவதுடன் புத்துணர்ச்சியும் கிடைக்கும்.

கண்களில் குளிர்ச்சியை உண்டாக்க தாமரைப் பூவை கண்களில் சிறிது நேரம் வைத்துக் கொண்டால் போதும்.

இளநீரை தினமும் குடித்து வந்தால் வயிற்று உபாதைகள் நீங்கும். உடல் சோர்வு அகலும்.

அதிகமாக உழைக்கும் மனித உறுப்புகளில் கண்களுக்கு பெரும் பங்கு உண்டு. கண்களைப் புத்துணர்ச்சியாக வைத்துக் கொள்ளவேண்டும் என்றால் முதலில் அதற்கு ஓய்வு தேவை. எப்போதும் ஓய்வுக்குப் பின் புத்துணர்வு கிடைக்கும். கண்களின் வளமைக்கு காய்கறிகள், பழங்கள், கீரைகளை சாப்பிடவேண்டும். மாதம் ஒரு முறை மெல்லிய மசாஜ் செய்யவேண்டும்.

பெண்கள் பேரீச்சம் பழத்தை வெண்ணையோடு சேர்த்து சாப்பிட்டு வந்தால் மார்பகங்கள் வளமை பெறும்.

இளநீருடன் சந்தனத்தை சேர்த்து உடலில் தடவி குளித்தால் உடல் குளர்ச்சி ஏற்படும். கழிவு நீர் வெளியேறி விடும்.

தினமும் ஏதாவதொரு பழ ஜுஸ் அருந்தி வந்தால் உடலுக்கு புத்துணர்ச்சியும் வலிமையும் கிடைக்கும்.

பிளம்ஸ் பழமும் உடலுக்கு குளிர்ச்சியைத் தரும்.

எலுமிச்சை சாறு தடவி ஊறிய பின் குளித்து வந்தால் சரும நோய்கள் ஏற்படாமல் தடுக்க முடியும்.

தமிழில் டைப் செய்ய எளிய வழி...

2011-04-24T01:29:00.000-07:00

அனைவருக்கும் ஈஸ்டர் நல்வாழ்த்துக்கள்.....

இந்த பதிவில் எனக்கு தெரிந்த ஒரு சிறிய விஷயம் உங்களோட பகிர்ந்து கொள்ளலாம் என்று நினைக்கிறேன்..

நாம் உபயோகிக்கும் கம்ப்யூட்டரில் தமிழ் எழுத்துருக்கள்(Fonts) இருந்தாலும் அதில் நமக்கு டைப் செய்வது என்பது எளிதான காரியமல்ல. அல்லது நமக்கு தமிழ் விசைப்பலகை (Tamil Keyboard) இருந்தாலும் அதில் எழுத்துக்களை தேடி தேடி டைப் செய்வதற்குள் நமக்கும் வயசாகிடும்,கம்ப்யூட்டருக்கும் வயசாகி விடும். நம்மில் பலபேர் Facebook,Google Talk போன்ற தளங்களில் ஆங்கிலத்திலேயே தமிழை எழுதுவதை பார்த்திருக்கிறோம். அதாவது “எப்படி இருக்கு” என்று கேட்பதற்கு “Eppadi Irukku” என்பது போல...மேலும் சில பேருக்கு தமிழில் கவிதையோ,கதையோ,கருத்துக்களோ எழுதுவதில் நமக்கு ஏற்படும் உணர்வுகளை இது போன்று எழுதும்போதும்,படிக்கும்போதும் நமக்கே கொஞ்சம் கடுப்பாக இருக்கும்....இதற்கெல்லாம் ஒரு வரப்பிரசாதமாக Google ஒரு அருமையான வழியை ஏற்படுத்தி இருக்கிறது...அதை தான் இந்த பதிவில் உங்களுக்கு தெரிவிக்கலாம் என்று ஆசைப்படுகிறேன். இதைப்பற்றி நம்மில் சில பேருக்கு தெரிந்திருக்கலாம்...இருந்தாலும் இது இந்த வசதியை பற்றி தெரியாதவர்களுக்காக....

இதற்கு நீங்கள் முதலில் செய்யவேண்டியது

www.Google.com தளத்திற்கு சென்று அங்குள்ள Search Column -ல்
Google Tamil Transilation என்று டைப் செய்யுங்கள்...
உங்களுக்கு Result இப்படி கிடைக்கும், இதில் கீழே உள்ள படத்தில் காட்டியபடி, முதலில் வரும் Link ஐ கிளிக் பண்ணுங்கள். ( படங்களை பெரிதாக காண "right click"செய்து "Open link in new tab" கிளிக் பண்ணுங்க...வேறொரு புதிய பக்கத்தில் பெரிதாக காணலாம்..)

படம்-1

நீங்கள் கிளிக் செய்தவுடன்,கீழே கொடுத்துள்ள படத்தில் காட்டியுள்ள படி இருக்கும்...

படம்-2

படம் - 3

இதில் வலதுபக்கத்தில் இருக்கும்(சிவப்பு வட்டமிட்டுள்ள- 1 ) Language Option – ல், தமிழை தெரிவு செய்து, கீழே உள்ள எழுதுமிடத்தில், ஆங்கிலத்திலேயே எழுதினால் போதும்.. உதாரணமாக “நல்லா இருக்கு” என்பதற்கு “nallaa irukku” என்று ஆங்கிலத்திலேயே டைப் செய்தால் போதும்...நீங்கள் ஒரு வார்த்தை டைப் செய்து அடுத்த வார்த்தைக்கான Space தட்டும்போது அது தமிழில் மாறியிருக்கும். எழுதிய வார்த்தைகளை select செய்து copy செய்து நீங்கள் எழுத அல்லது இட வேண்டிய இடத்தில் paste செய்தால் போதும்.

இது நீங்கள் Internet connection –ல் இருக்கும்போது மட்டும் தான் செய்ய முடியும்...மேலும் உங்கள் connection speed குறைவாக இருந்தால் சொற்ப நேரம் எடுக்கும்....

இந்த குறையைப் போக்கவும் ஒரு வழியிருக்கிறது...

அதற்கு நீங்கள் இந்த applicatioan ஐ உங்கள் கம்ப்யூட்டரில் நிறுவி விட்டால் (Install) அந்த குறையும் இருக்காது...Internet connection இருந்தாலும்,இல்லாவிட்டாலும், நீங்கள் எப்போது வேண்டுமானாலும் தமிழில் டைப் செய்ய முடியும்...எந்த ஒரு பைலிலும்(Word,,Excel,Power point) நீங்கள் டைப் செய்து கொள்ள முடியும்....

அதற்கு நீங்கள் செய்ய வேண்டியது.....

படம்- 3 ல் 2-வது வட்டமிட்டுள்ள லிங்கை கிளிக் செய்யுங்கள் அல்லது
கீழே நான் கொடுத்துள்ள இந்த லிங்கை கிளிக் செய்து நேரடியாக அந்த பக்கத்துக்கு செல்லுங்கள்.
http://www.google.com/ime/transliteration/
நீங்கள் கிளிக் செய்தவுடன்,கீழே கொடுத்துள்ள படத்தில் காட்டியுள்ள படி
இருக்கும்...அதில் சிவப்பு வட்டமிட்டுள்ள இடத்தில் கிளிக் செய்து டவுன்லோட் செய்யவும்..எந்த Folder-ல் டவுன்லோட் செய்யப்பட்டிருக்கிறது இருக்கிறது என்று பார்த்து,அந்த file – ஐ கிளிக் பண்ணுங்கள்...

அப்போது கீழே கொடுத்துள்ளவாறு தோன்றும்...

அதில் “RUN” என்பதை கிளிக் செய்தால் போதும்...இந்த Application ஆனது உங்கள் கம்ப்யூட்டரில் Install செய்யப்பட்டு விடும்... இதை செய்வதனால் கம்ப்யூட்டருக்கு எந்த ஒரு இடையூறும் இல்லை.ஆதலால் பயப்பட வேண்டிய அவசியமில்லை..நீங்கள் டவுன்லோட் செய்யும்போது கீழ்கண்டவாறு செய்தி வரலாம்....

எனினும் நீங்கள் தைரியமாக இந்த Application - ஐ டவுன்லோட் Install செய்து கொள்ளலாம். Install செய்தவுடன் உங்கள் கம்ப்யூட்டரின் Taskbar – ல், கீழே உள்ள படத்தில் உள்ளது போன்று இருக்கும், பின்னர் நீங்கள் அதில் கிளிக் செய்து மொழியை select செய்து டைப் செய்து கொள்ளலாம். இதனை நீங்கள் இணைய இணைப்பு இருந்தாலும்,இல்லாவிட்டாலும் உபயோகபடுத்தி கொள்ளலாம்.

அப்புறம் என்ன....உங்க கற்பனை குதிரையை தட்டி விடுங்க.... கவிதையோ,கட்டுரையோ,கதையோ, கிண்டலோ,கேலியோ, எதுவா இருந்தாலும் தமிழிலேயே எழுதி “Facebook- லயும் Chat rooms – லயும் சும்மா கலக்குங்க......

All The Best…..

இந்த பதிவு உங்களுக்கு பிடிச்சிருந்துதுன்னா மறக்காம உங்க கருத்துக்களையும் பகிர்ந்துக்குங்க....

பயனுள்ள கத்தோலிக்க தளங்கள் - பதிவு-2

2011-04-11T08:53:00.000-07:00

முந்தைய பதிவில் குறிப்பிட்ட தளங்களை போலவே இன்னும் பல கத்தோலிக்க தளங்கள் தமிழில்,ஆங்கிலத்தில் இணையத்தில் இருக்கின்றன. எனக்கு தெரிந்த வரையில் இதோ இன்னும் சில தளங்கள்....

தமிழ் கிறிஸ்டியன்

இந்த தளத்தில் நவநாள் ஜெபங்கள்,புனிதர்களை பற்றிய வரலாறு, ஆலயங்களை பற்றிய தகவல்கள்,பாடல் வரிகள்,கட்டுரைகள் என பல விஷயங்கள் இருக்கின்றன.

இந்த தளத்திற்கு செல்ல இங்கே கிளிக்குங்கள்.

அருளோசை

ஞாயிறு வாசகம் மற்றும் மறையுரை,பல குறிப்புகள்.,கட்டுரைகள் இங்கே வெளியிடப்படுகின்றன.

இந்த தளத்திற்கு செல்ல இங்கே கிளிக்குங்கள்

ஒளிரும் இறைவன்

இந்த தளத்தில் ஆன்மீக கட்டுரைகள்,விவிலிய விளக்கங்கள்,இன்னும் பல ஆராய்ச்சி கட்டுரைகள் இரைந்து கிடக்கின்றன. இது ஒரு Blogspot போன்ற ஒரு தளம்...கட்டுரைப்பிரியர்களுக்கு ஒரு அருமையான தளம்...

இந்த தளத்திற்கு செல்ல இங்கே கிளிக்குங்கள்

ஜெபமாலை

ஆன்மீக கட்டுரைகள்,புனிதர்களை பற்றிய வரலாற்று தகவல்கள், மாதாவின் வாழ்க்கை வரலாறு என்று பல தகவல்கள் இந்த தளத்தில்....

இந்த தளத்திற்கு செல்ல இங்கே கிளிக்குங்கள்

தினமும் திருப்பலி காண

உலகத்தில் விஞ்ஞான வளர்ச்சி நமக்கு எப்படி எல்லாம் ஆச்சர்யமளிக்கிறது. பாருங்கள். சவுதிஅரேபியா போன்ற சில நாடுகளில், ஏன் நம் இந்தியாவிலேயே, திருப்பலி காண முடியாத சில இடங்களும் இருக்கின்றன. அத்தகைய சூழலில் இருப்போர்க்கு இந்த தளம் ஒரு வரப்பிரசாதம்...

தினமும் திருப்பலி ஆன்லைனில் காணலாம்..ஆனால் ஆங்கிலத்தில்....

இதில் இன்னொரு சிறப்பு நவநாள் ஆராதனைகளிலும் நாம் ஆன்லைனில் பங்கு கொள்ளலாம்....ஆசையாய் இருக்கிறதா?

இதோ அந்த தளம்...கிளிக் பண்ணுங்க இங்கே...

பைபிள் ஒலி வடிவில் கேட்க

தினமும் விவிலியம் படித்து விட்டு வேலைக்கு செல்பவரா நீங்கள்...இதோ நீங்கள் உங்கள் செவிகளால் அதை கேட்டு மகிழலாம்...தமிழ்,ஆங்கிலம்,பஞ்சாபி,உருது என பல மொழிகளில்,பைபிளை MP3 ஆடியோ வடிவில் நமக்கு தருகிறார்கள். தரவிரக்கமும் செய்து கொள்ளலாம்...

இதோ அந்த தளம்...கிளிக் பண்ணுங்க இங்கே...

Turn Back to God

இந்த தளம் ஒரு அருமையான தளம்....எனக்கு பிடித்த தளமும் கூட...பாடல்கள்,(தமிழ்,ஆங்கிலம்,மலையாளம்,ஹிந்தி,தெலுங்கு..),கட்டுரைகள், படங்கள்,கதைகள்,திரைப்படங்கள்,கவிதைகள்,என பல விஷயங்கள் இருக்கின்றன...மிகவும் அழகாக வடிவமைக்கப்பட்டுள்ள ஒரு கிறிஸ்தவ இணையதளம்...நீங்களே உணர்வீர்கள்

கிளிக் பண்ணுங்க இங்கே...

.இன்னும் சில இணையதளங்கள் கீழே...

வேளாங்கண்ணி மாதா ஆலயம்

புளியம்பட்டி புனித அந்தோனியார் ஆலயம்.

பனிமயமாதா திருத்தலம்..தூத்துக்குடி

மேலும் நம் கத்தோலிக்க ஆலயங்களை தகவல்களை உள்ளடக்கிய ஒரு தளமுமிருக்கிறது...நம் தூத்துக்குடி மறைமாவட்டத்தில் உள்ள ஆலயங்கள்,பங்குகளை பற்றி அறிய இங்கே கிளிக் பண்ணுங்க...

அதில் நம்மூர் புனித தோமையார் ஆலயத்தை பற்றிய வரலாறு அறிய

இங்கே கிளிக் பண்ணுங்க...

முடிந்தவரை எனக்கு தெரிந்த,பிடித்த தளங்களை உங்களுக்கு மேலே கொடுத்துள்ளேன்.. அதற்குள்ள லிங்க் ஐ கிளிக் செய்து இந்த தளங்களுக்கு ஒரு விசிட் அடியுங்கள்...இந்த பதிவை பற்றியும் உங்கள் கருத்துக்களை தெரிவியுங்கள்...

(சந்திப்போம்)

பயனுள்ள கத்தோலிக்க தளங்கள் - பதிவு-1

2011-03-25T08:37:00.000-07:00

வணக்கம்,

தவிர்க்க முடியாத காரணத்தினால் இப்போது நமதூர் செய்திகளை வழங்கமுடிவதில்லை.எனினும் இந்த தளத்திற்கு வருகை தந்து ஆதரவளிக்கும் அனைவருக்கும் எமது நன்றிகள்..

அதிக வேலைப்பளுவிற்கு இடையிலும், தனது நேரத்தை ஒதுக்கி,www.pattanam.com மூலம் நமதூர் செய்திகளை உடனுக்குடன் வழங்கி, உலகளவில் பரந்து நிற்கும் நமதூர் உறவுகளுக்காக ஒரு சிறப்பான சேவையை செய்து வரும் நண்பர்.திரு.அமுதன் பீரிஸ் அவர்களுக்கு நமது நன்றிகளும்,பாராட்டுக்களும்.....அவரது இந்த சேவைப்பணி சிறக்க எங்கள் வாழ்த்துக்கள்.

எனது இந்த தளத்தை ஆரம்பித்ததன் நோக்கம் நமதூர் செய்திகளை நம் தாய்மொழியாம் தமிழிலும் கொண்டு சேர்க்க வேண்டும் என்ற ஆர்வத்தினாலும்,எனக்குள்ள ஒரு ஆர்வத்தினை சரிவர பயன்படுத்தவும் தான்...தற்போது என்னால் செய்திகள் தான் சரிவர வழங்க முடிவதில்லை எனினும் சில பயனுள்ள தகவல்களை இந்த தளத்தின் மூலம் பகிர்ந்து கொண்டால் என்ன என்று யோசித்ததன் விளைவு தான் இந்த பதிவு....

முதலில் இணையத்தில் மிக சிறப்பாக இறைப்பணி செய்யும் சில
தளங்களை பற்றி உங்களுக்கு அறிமுகப்படுத்த இருக்கிறேன்...

உங்களுக்கு நன்கு பரிச்சயமான www.manavai.com , போன்று பல கத்தோலிக்க தளங்கள் தமிழிலேயே இருக்கின்றன....இதோ அந்த தளங்கள்....

அன்பின் மடல்.

இந்த தளத்தில் அருமையான பல கட்டுரைகள்,புனிதர்களை பற்றிய தகவல்கள், பாடல்கள் கேட்க,தரவிறக்கம் (download) செய்ய என்று பலவாறான விஷயங்கள் கிடைக்கின்றன..மேலும் ஞாயிறு வாசகங்கள்,வாடிகன் ரேடியோ என்று பல சிறப்புகள் உண்டு...கீழே உள்ள படத்தை கிளிக் செய்து,இந்த தளத்திற்கு சென்று பயனடையுங்கள்..

பைபிள் இன் தமிழ்

இந்த தளத்தில் பல பாடல்கள் கேட்கலாம், தரவிறக்கலாம்...ஆன்லைனில் விவிலியமும் வாசிக்கலாம், திருப்பலி பாடல்கள்,மாதா பாடல்கள்,தவக்கால பாடல்கள் என்று பல பிரிவுகளில் பாடல்களை வழங்குகிறார்கள். விவிலியத்தை நாம் mp3 audio மூலம் ஆன்லைனில் கேட்கலாம்.

விவிலிய கல்வி,வினாடிவினா, மறையுரை,கட்டுரைகள் என சிறப்புக்களும் உண்டு..

இந்த தளத்திற்கு செல்ல இங்கே கிளிக்குங்கள்

அருள்வாக்கு......

இது ஒரு அருமையான தளம். திருப்பலியை நீங்கள் ஆடியோ வடிவில் கேட்க வழி செய்கிறது இந்த தளம். மேலும் திருப்பலிக்கான மறையுரையும்,பாடல்களும்,பாடல் வரிகளும் (Lyrics) இருக்கின்றன. சில பாடல்களுக்கான காணொளியும் (video) கண்டு மகிழலாம். இந்த தளம் நமது கைப்பேசிக்கு (mocile phone) விவில்ய வாசகங்களை பெரும் வசதியும் தருகிறது...நீங்கள் விரும்பினால் பதிவு செய்து பெற்று கொள்ளலாம்..

இந்த தளத்திற்கு செல்ல இங்கே கிளிக்குங்கள்.

தமிழ் கத்தோலிக்.

இந்த தளமானது நமக்கு ஜெபங்கள் மற்றும் பாடல் வரிகள், திருப்பலி பாடல்கள் ஆகியவைகளை தருகிறது....இது அமெரிக்காவில் இருந்து இயங்கும் ஒரு தமிழ் தளம்...

இந்த தளத்திற்கு செல்ல இங்கே கிளிக்குங்கள்..

மேலே குறிப்பிட்டுள்ள தளங்களுக்கு சென்று உங்கள் கருத்தை எமக்கு எழுதுங்கள்...உங்கள் எண்ணங்களை,கருத்துக்களை, பின் வரும் "post a comment" பகுதியில் எழுதுங்கள்.வரும் நாட்களில் இன்னும் பல தளங்களை உங்களுக்கு அறிமுகப்படுத்த காத்திருக்கிறேன். எழுத்துக்களில் ஏதேனும் தவறு இருப்பின் பொறுத்தருள்க.

(இன்னும் வரும்).

திருச்செந்தூர் தொகுதியில் சரத்குமார் போட்டி?

2011-03-13T08:45:00.000-07:00

திருச்செந்தூர் சட்டமன்ற தொகுதியில் அதிமுக கூட்டணி சார்பில் சரத்குமார் போட்டியிடுகிறார் என்ற பரபரப்பான தகவல் வெளியாகியுள்ளது.தமிழக சட்டமன்றத் தேர்தல் ஏப்ரல் 13ம் தேதி நடக்கிறது. தேர்தலையொட்டி அதிமுக, திமுக, தலைவர்கள் கூட்டணி கட்சிகளுடன் தொகுதி பங்கீடு பேச்சுவார்த்தையில் மும்மரமாக உள்ளனர்.சமத்துவ மக்கள் கட்சி எந்த கட்சியுடன் கூட்டணி என்று பரபரப்பான நிலையில் பேசிக் கொண்டிருந்த நிலையில், நாடார் கூட்டமைப்புகள் ஒன்று பெருந்தலைவர் மக்கள் கட்சி என்று புதிய இயக்கத்தை ஆரம்பித்து, அதற்கு தலைவராக சரத்குமாரை நியமனம் செய்தனர்.சரத்குமார் தலைவராக நியமிக்கப்பட்ட சில மணி நேரத்தில், அதிமுக பொதுச்செயலாளர் ஜெயலலிதாவை சந்தித்து அதிமுக கூட்டணியில் சமத்துவ மக்கள் கட்சி 2 தொகுதியில் போட்டியிட சரத்குமார் ஒப்பந்தத்தில் கையெழுத்திட்டார். இதனால் நாடார் கூட்டமைப்பு இடையே அதிர்ச்சியை ஏற்படுத்தியது.சரத்குமார் அதிமுக கூட்டணியில் சேர்ந்ததற்கு பரபரப்பான தகவல் வெளியாகியுள்ளது. அதிமுக பொதுச் செயலாளர் ஜெயலலிதாவுடன் சரத்குமார் கூட்டணி வைக்க நிபந்தனைகள் விதிக்கப்பட்டதாம். இதில் திருச்செந்தூர் சட்டமன்ற தொகுதி சமத்துவ மக்கள் கட்சிக்கு ஒதுக்கப்படும். இதில் சரத்குமார் போட்டியிட வேண்டும் என்பதே முக்கிய நிபந்தனை என்று கூறப்படுகிறது.ஏனென்றால், அதிமுகவை விட்டு சென்ற அனிதா ராதாகிருஷ்ணன், திருச்செந்தூர் தொகுதியில் போட்டியிட்டு தற்போது எம்.எல்.ஏ.ஆக உள்ளார். அவருக்கே மீண்டும் திருச்செந்தூர் தொகுதியில் போட்டியிட வாய்ப்பு கொடுக்கப்பட இருக்கிறதாம். இதனால் அனிதா ராதாகிருஷ்ணனை தோற்கடிக்கவே, சரத்குமாரை களம் இறக்கி உள்ளதாக கூறப்படுகிறது.நாடார்கள் அதிகமுள்ள திருச்செந்தூர் தொகுதியில் சரத்குமாரை நிறுத்தியும், எப்படியும் அனிதா ராதாகிருஷ்ணனை தோற்கடித்து விடலாம் என்று அதிமுக சார்பில் முடிவு எடுக்கப்பட்டதாகவும் கூறப்படுகிறது.மேலும் நெல்லை மாவட்டம் ஆலங்குளம் தொகுதியும் சமத்துவ மக்கள் கட்சிக்கு ஒதுக்கப்பட்டு எர்ணாவூர் நாராயணன் அல்லது கரு.நாகராஜன் ஆகிய இருவரில் ஒருவரை நிறுத்தவும் முடிவு செய்யப்பட்டதாக கூறப்படுகிறது.

News Source : Tutyonline

திருச்செந்தூரில் மார்ச் 6ல் மெகா கோலப்போட்டி

2011-02-27T05:45:00.000-08:00

திருச்செந்தூரில் ஸ்டாலின் பிறந்தநாளை முன்னிட்டு வரும் மார்ச் 6ம் தேதி மெகா கோலப்போட்டி நடக்கிறது. இதில் முதல் பரிசுக்கு 5பவுன் தங்கசெயின் பரிசு வழங்கப்படுகிறது. தமிழக துணை முதல்வர் ஸ்டாலின் 59வது பிறந்தநாளை முன்னிட்டு

திருச்செந்தூர் எம்எல்ஏ., அனிதா ராதாகிருஷ்ணன் ஏற்பாட்டில் மாபெரும் மெகா கோலப்போட்டி வரும் மார்ச் 6ம் தேதி திருச்செந்தூர் எல்ஐசி பின்புறம் பகல் 2 மணிக்கு நடக்கிறது. இதில் முதல் பரிசுக்கு 5 பவுன் தங்க செயினும், இரண்டாம் பரிசுக்கு 3 பவுன் தங்க நெக்லஸ்சும், மூன்றாம் பரிசு 1 பவுன் தங்க கம்மல் ஜிமிக்கியும் வழங்கப்படுகிறது. போட்டியில் கலந்து கொள்ள விரும்புபவர்கள் திருச்செந்தூர் எம்எல்ஏ., அலுவலகம் எதிரில் இன்று (26, 27) ஆகிய இரண்டு நாட்களில் மட்டும் காலை 10 மணி முதல் மாலை 5 மணிவரை தங்கள் குடும்ப அட்டையுடன் நேரில் வந்து பதிவு செய்து கொள்ளவும். பதிவு செய்து கொள்பவர்கள் மட்டுமே போட்டியில் கலந்து கொள்ள முடியும். ஒரு ரேஷன்கார்டுக்கு ஒருவர் மட்டுமே கலந்து கொள்ளலாம். கலந்து கொள்பவர்கள் 18 வயதுக்கு மேற்பட்டவராக இருக்க வேண்டும். திருச்செந்தூர் சட்டமன்ற தொகுதிக்குட்பட்டவராக இருத்தல் வேண்டும். இத்தகவலை திருச்செந்தூர் எம்எல்ஏ.,அனிதா ராதாகிருஷ்ணன் தெரிவித்துள்ளார்.

தினந்தோறும் இனி செந்தூர் எக்ஸ்பிரஸ் ஓடும்

2011-02-27T05:16:00.000-08:00

தமிழகத்தின் நிறைய ரயில்வே திட்டங்கள் புறக்கணிக்கப்பட்டிருந்தாலும், இந்த பட்ஜெட்டில் சொற்ப அளவிலான சில விஷயங்கள் கிடைத்துள்ளது என்றே தெரிகிறது. ஒன்பது மின்சார ரயில்களும், ஒரு துரந்தோ ரயிலும், மதுரை - தூத்துக்குடி இடையில் புதிய ரயில் பாதைக்கான திட்டமும், சென்னை - தூத்துக்குடி இடையில் தினந்தோறும் ரயில் இயக்குவது உள்ளிட்ட விஷயங்கள் பட்ஜெட்டில் குறிப்பிடப்பட்டுள்ளன.

பார்லிமென்டில் தாக்கல் செய்யப்பட்ட ரயில்வே பட்ஜெட்டில் கூறப்பட்டுள்ளதாவது:நாடு முழுவதும் முக்கிய நகரங்களில் ஓடும் மின்சார ரயில்களின் எண்ணிக்கை அதிகரிக்க முடிவு செய்யப்பட்டு, அதன்படி கோல்கட்டாவுக்கு 50 மின்சார ரயில்களும், மும்பைக்கு 47 மின்சார ரயில்களும், செகந்திராபாத்துக்கு 10 மின்சார ரயில்களும் அளிக்கப்பட்டுள்ளன. இதில், சென்னைக்கு அளிக்கப்பட்ட ரயில்களின் எண்ணிக்கை ஒன்பது மட்டுமே. இந்த ரயில்கள் சென்னை பீச் - கும்மிடிப்பூண்டி, எண்ணூர் - கும்மிடிப்பூண்டி, ஆவடி - பீச், சென்ட்ரல் - திருவொற்றியூர் ஆகிய மார்க்கங்களில் இயக்கப்படும். தவிர, இதுவரை தாம்பரம் வரை இயக்கப்பட்ட ரயில்கள் இனி செங்கல்பட்டு வரை இயக்கப்படும்.மதுரை - சென்னை இடையே துரந்தோ எக்ஸ்பிரஸ் அறிமுகப்படுத்தப்படும். இது வாரம் இரு முறை இயக்கப்படும். சென்னை - திருவனந்தபுரம் இடையில் மற்றொரு துரந்தோ எக்ஸ்பிரஸ் இயக்கப்படும். இதுவும் வாரம் இரு முறை இயக்கப்படும். இந்த பட்ஜெட்டில் அறிவிக்கப்பட்ட சதாப்தி ரயில்களில் தமிழகத்திற்கு எதுவும் இல்லை.விவேகானந்தரின் 150வது ஆண்டு பிறந்த தினத்தை முன்னிட்டு, விவேக் எக்ஸ்பிரஸ் என்ற பெயரில் நான்கு ரயில்கள் அறிமுகமாகின்றன. அதில் குஜராத் துவாரகா - தூத்துக்குடி இடையிலும், அசாம் திப்ரூகர் - கன்னியாகுமரி வழி திருவனந்தபுரம் இடையிலும் இரண்டு விவேக் எக்ஸ்பிரஸ் ரயில்கள் இயக்கப்படும்.சுற்றுலா வளர்ச்சியை கருத்தில் கொண்டு ஜனம்பூமி கவுரவ் என்ற பெயரில் நான்கு ரயில்கள் அறிமுகமாகின்றன. அதில், சென்னை - புதுச்சேரி - திருச்சி - மதுரை - கன்னியாகுமரி - திருவனந்தபுரம் - எர்ணாகுளம் - சென்னை ஆகிய மார்க்கத்தில் ஒரு ரயில் இயக்கப்படும்.

நேற்றைய பட்ஜெட்டில் மொத்தம் 56 புதிய எக்ஸ்பிரஸ் ரயில்கள் அறிமுகமாகியுள்ளன. அதில், தமிழகத்துக்கு என ஆறு ரயில்கள் கிடைத்துள்ளன.
1. சென்னை - ஷீரடி இடையே பெங்களூரு வழியாக வாரம் ஒருமுறை ரயில்.
2. கோவை - தூத்துக்குடி இடையில் தினந்தோறும் இணைப்பு ரயில்.
3. மைசூரு - சென்னை இடையில் வாரம் ஒருமுறை ரயில்.
4. மேற்கு வங்கம் புரூலியா - விழுப்புரம் இடையே வேலூர் வழியாக வாரம் ஒருமுறை ரயில்.
5. மேற்கு வங்கம் கரக்பூர் - விழுப்புரம் இடையே வேலூர் வழியாக வாரம் ஒருமுறை ரயில்.
6. டில்லி - புதுச்சேரி இடையில் வாரம் ஒருமுறை ரயில்.

புதிய பாசஞ்சர் ரயில்கள் மொத்தம் 13 அறிமுகப்படுத்தப்பட்டுள்ளன. அதில் தமிழகத்துக்கு ஒரு ரயில் கிடைத்துள்ளது.கோவை - மேட்டுப்பாளையம் இடையில் வாரத்தில் ஆறு நாட்களுக்கு பாசஞ்சர் ரயில் இயக்கப்படும்.மேலும், கொல்லம் - நாகர்கோவில் இடையில் இந்த சேவை ரயில் கிடைத்துள்ளது. "டிஇஎம்யூ' சேவையில் 22 ரயில்கள் அறிமுகப்படுத்தப்பட்டுள்ளன. அதில், தர்மபுரி - பெங்களூரு இடையில் இந்த சேவை ரயில் கிடைத்துள்ளது.தற்போதுள்ள ரயில்களை மேலும் நீட்டிக்கச் செய்ததில் 33 ரயில்கள் சேர்க்கப்பட்டுள்ளன. அதில், தமிழகத்தில் ஏற்கனவே எழும்பூரில் இருந்து நாகூர் வரையில் ஓடிக் கொண்டிருக்கும் ரயில், காரைக்கால் வரை நீட்டிக்கப்பட்டுள்ளது. நாகர்கோவிலிலிருந்து திருவனந்தபுரம் வரை ஓடிக் கொண்டிருக்கும் ரயில் இனி கொச்சுவெலி வரை நீட்டிக்கப்படும்.ரயில்கள் இயக்கப்படும் எண்ணிக்கை அதிகரிக்கப்பட்ட விவரத்தின்படி தமிழகத்தில் சென்னை - தூத்துக்குடி இடையில் வாரம் ஒருமுறை இயக்கப்பட்டுக் கொண்டிருந்த செந்தூர் எக்ஸ்பிரஸ் இனி தினந்தோறும் இயக்கப்படும். திருச்சி - கரூர் இடையில் ஆறு நாட்கள் இயக்கப்பட்டிருந்த ரயில் இனி தினந்தோறும் இயக்கப்படுமென தெரிவிக்கப்பட்டுள்ளது.

நன்றி : தினமலர்

பயின்றோர் கழக பொதுக்குழு கூட்டம் - அழைப்பிதழ்.

2011-02-01T04:33:00.000-08:00

அரசின் கல்வி உதவி

2011-01-29T07:15:00.000-08:00

தமிழக அரசின் பிற்படுத்தப்பட்ட மற்றும் மிகவும் பிற்படுத்தபட்டோருக்கான 2010-2011 ஆண்டிற்கான கல்வி உதவி தொகையை அறிவித்து உள்ளது .

இந்த கல்வி தொகை 3 நிலைகளாக உள்ள மாணவர்களுக்கு வழங்கப்படுகிறது.

1 - 10 வகுப்பு வரை

தகுதிகள் :
* கடைசியாக எழுதிய இறுதி தேர்வில் குறைந்தது 50% மதிப்பெண் பெற்றிருக்க வேண்டும்
* குடும்ப ஆண்டு வருமானம் 1 லட்சத்திற்கும் குறைவாக இருக்க வேண்டும்
* வேறு எந்த அரசு உதவியும் பெற்றிருக்க கூடாது
* ஒரு குடும்பத்தில் 2 பேருக்கு மேல் விண்ணப்பிக்க கூடாது
பயன்கள் :
* கல்வி கட்டணம் அதிக பட்சமாக வருடத்திற்கு 3500 ரூபாய்
* சேர்கை கட்டணம் அதிகபட்சமாக 500 ரூபாய்
* விடுதி மற்றும் ஊக்க தொகைகள் உண்டு
* கிராமத்திலிருந்து நகரத்திற்கு படிக்க வரும் முஸ்லிம் மாணவிகளுக்கு தங்கும் விடுதி மற்றும் உணவு இலவசம்
* ஒதுக்கப்பட்டுள்ள நிதி தொகை 11.62 கோடி
சமர்பிக்கப்பட வேண்டிய சான்றிதழ்கள் :
* சாதி சான்றிதல் நகல் (xerox)
* பிற்படுத்தப்பட்டோர் என்பதற்கான சான்று (அரசு அலுவலர்களிடமிருந்து பெறப்பட வேண்டும் )
* வருமான சான்றிதல் (அரசு அலுவலர்களிடமிருந்து பெறப்பட வேண்டும் )

சமர்பிக்கப்பட வேண்டிய கடைசி நாள்:
புதிதாக விண்ணப்பிபவர்களுக்கு ஆகஸ்ட் 10

புதுப்பிக்கும் மாணவர்களுக்கு ஜூலை 26

கூடுதல் தகவல்கள் :
* புதிதாக இந்த உதவியை விண்ணப்பிப்பவர்கள் இணைக்கப்பட்டுள்ள (prematric_fresh_ appl) மற்றும் (prematric_claim) ஆகிய விண்ணப்பங்களை பூர்த்தி செய்யவும்
* ஏற்கனவே இந்த உதவியை பெற்றுகொண்டிருப்பவர்கள் புதிதாக விண்ணப்பிக்க தேவையில்லை ,இணைக்கப்பட்டுள்ள புதுப்பித்தல் விண்ணப்பத்தை (Renewal form) (prematric_renewal_ appl) மற்றும் (prematric_claim) ஆகிய விண்ணப்பங்களை பூர்த்தி செய்து உங்கள் சலுகையை புதுப்பித்து கொள்ளலாம்
* பூர்த்தி செய்யப்பட வினப்பதை உங்கள் கல்வி நிலையங்கள் குறிப்பிட்ட நாட்களுக்குள் சமர்பிக்கவும், தாமதமாக சமர்பிக்கப்படும் விண்ணப்பங்கள் நிராகரிக்கப்படும்

11, 12 , ITI, டிப்ளமோ, ஆசிரியர் பயிற்சி, பட்ட படிப்பு, பட்ட மேற்படிப்பு, ஆராய்ச்சி படிப்பு (Ph.D)

தகுதிகள் :
* கடைசியாக எழுதிய இறுதி தேர்வில் குறைந்தது 50% மதிப்பெண் பெற்றிருக்க வேண்டும்
* குடும்ப ஆண்டு வருமானம் 2 லட்சத்திற்கும் குறைவாக இருக்க வேண்டும்
* வேறு எந்த அரசு உதவியும் பெற்றிருக்க கூடாது
பயன்கள் :
* கல்வி கட்டணம் அதிக பட்சமாக வருடத்திற்கு 3000 முதல் 7000 வரை
* 30% கல்வி உதவி பெண்களுக்கு வழங்கப்படும்

* விடுதி மற்றும் ஊக்க தொகைகள் உண்டு

* கிராமத்திலிருந்து நகரத்திற்கு படிக்க வரும் முஸ்லிம் மாணவிகளுக்கு தங்கும் விடுதி மற்றும் உணவு இலவசம்
* ஒதுக்கப்பட்டுள்ள நிதி தொகை 11.60 கோடி

சமர்பிக்கப்பட வேண்டிய சான்றிதழ்கள் :
* சாதி சான்றிதல்

* பிற்படுத்தப்பட்டோர் என்பதற்கான சான்று (அரசு அலுவலர்களிடமிருந்து பெறப்பட வேண்டும் )
* வருமான சான்றிதல் (அரசு அலுவலர்களிடமிருந்து பெறப்பட வேண்டும் )

* உங்கள் மதிப்பெண் சான்றிதல் (Marksheet) நகல்களை (Xerox) இணைத்து அனுப்புவது சிறந்தது
சமர்பிக்கப்பட வேண்டிய கடைசி நாள்:
புதிதாக விண்ணப்பிபவர்களுக்கு ஆகஸ்ட் 10

புதுப்பிக்கும் மாணவர்களுக்கு ஜூலை 26

கூடுதல் தகவல்கள் :

* புதிதாக இந்த உதவியை விண்ணப்பிப்பவர்கள் இணைக்கப்பட்டுள்ள (prematric_fresh_ appl) மற்றும் (prematric_claim) ஆகிய விண்ணப்பங்களை பூர்த்தி செய்யவும்
* ஏற்கனவே இந்த உதவியை பெற்றுகொண்டிருப்பவர்கள் புதிதாக விண்ணப்பிக்க தேவையில்லை ,புதுப்பித்தல் விண்ணப்பம் (Renewal form) (prematric_renewal_ appl) மற்றும் (prematric_claim) ஆகிய விண்ணப்பங்களை பூர்த்தி செய்து உங்கள் சலுகையை புதுப்பித்து கொள்ளலாம்

* பூர்த்தி செய்யப்பட வினப்பதை உங்கள் கல்வி நிலையங்கள் குறிப்பிட்ட நாட்களுக்குள் சமர்பிக்கவும், தாமதமாக சமர்பிக்கப்படும் விண்ணப்பங்கள் நிராகரிக்கப்படும்

தொழிற்படிப்புகள் ( Engineering )

தகுதிகள் :
* கடைசியாக எழுதிய இறுதி தேர்வில் குறைந்தது 50% மதிப்பெண் பெற்றிருக்க வேண்டும்

* குடும்ப ஆண்டு வருமானம் 2.5 லட்சத்திற்கும் குறைவாக இருக்க வேண்டும்

* வேறு எந்த அரசு உதவியும் பெற்றிருக்க கூடாது
பயன்கள் :

* கல்வி கட்டணம் அதிக பட்சமாக வருடத்திற்கு 20000 ரூபாய் அல்லது முழு கட்டணம் (இரண்டில் குறைந்தது )
* IIT (சென்னை ), NIT(திருச்சி ) , Indian Institute of Tech and Design managment (காஞ்சிபுரம் ), national Institute of fashion Technology ஆகிய கல்வி கூடங்களில் பயிலும் மாணவர்களுக்கு முழு கல்வி உதவி வழங்கப்படும்

* 30% கல்வி உதவி பெண்களுக்கு வழங்கப்படும்

* விடுதி மற்றும் ஊக்க தொகைகள் வருடத்திற்கு 10000 வரை

* கிராமத்திலிருந்து நகரத்திற்கு படிக்க வரும் முஸ்லிம் மாணவிகளுக்கு தங்கும் விடுதி மற்றும் உணவு இலவசம்

* ஒதுக்கப்பட்டுள்ள நிதி தொகை 8 கோடி

சமர்பிக்கப்பட வேண்டிய சான்றிதழ்கள் :
* சாதி சான்றிதல்

* உங்கள் மதிப்பெண் சான்றிதல் (Marksheet) நகல்களை (Xerox) இணைத்து அனுப்புவது சிறந்தது
சமர்பிக்கப்பட வேண்டிய கடைசி நாள்:
புதிதாக விண்ணப்பிபவர்களுக்கு ஆகஸ்ட் 10புதுப்பிக்கும் மாணவர்களுக்கு ஜூலை 26கூடுதல் தகவல்கள் :
* புதிதாக இந்த உதவியை விண்ணப்பிப்பவர்கள் இணைக்கப்பட்டுள்ள (MCM_Appln_form)விண்ணப்பத்தை பூர்த்தி செய்யவும்
* ஏற்கனவே இந்த உதவியை பெற்றுகொண்டிருப்பவர்கள் புதிதாக விண்ணப்பிக்க தேவையில்லை ,புதுப்பித்தல் விண்ணப்பத்தை (mcm_renewal_ claim) பூர்த்தி செய்து உங்கள் சலுகையை புதுப்பித்து கொள்ளலாம்
* பூர்த்தி செய்யப்பட விண்ணப்பத்தை உங்கள் கல்வி நிலையங்கள் குறிப்பிட்ட நாட்களுக்குள் சமர்பிக்கவும் , தாமதமாக சமர்பிக்கப்படும் விண்ணப்பங்கள் நிராகரிக்கப்படும்

மேலும் விவரங்களுக்கு இந்த இணையதளத்தை பார்க்கவும் : http://www.tn. gov.in/bcmbcmw/ welfschemes_ minorities. htm

வீட்டு மருத்துவக் குறிப்புகள்:

2011-01-23T07:39:00.000-08:00

01:செருப்புக்கடி புண்ணுக்கு
தென்னை மரக் குருத்தோலையை அல்லது குருத்தோம்பை (தென்னம்பூவு தோன்றிய பின் உருவாகும் சிறு சிறு காய்) நெருப்பில் சுட்டுக் கரியாக்கி தேங்காய் எண்ணெயில் குழப்பி புண்ணில் தடவி வர குணமாகும்.

02:மூட்டுவலி, மூட்டு வீக்கம் குணமாக
கஸ்தூரி மஞ்சள், சாம்பிராணி, கடுகு. இம்மூன்றையும் சரிபங்கு எடுத்து நீர்விட்டு அரைத்து, சுடவைத்து பொறுக்கும் பக்குவத்தில் சிறிது கற்பூரம் கலந்து வலி உள்ள இடங்களில்

தடவ உடன் பலன் கிடைக்கும்.

03:புணகளுக்கும், சிரங்குக்கும் தைலம்
1. ஊமத்தை இலைச்சாறு (300 மிலி), தேங்காய் எண்ணெய் (100 மிலி), நாட்டு மருந்துக் கடையில் கிடைக்கும் மயில் துத்தம் (2 கிராம்) இலைச்சாற்றில் மயில் துத்தத்தைக் கரைத்து எண்ணெய் சேர்த்து அடுப்பிலேற்றி சாறு வற்றும் வரைக் காய்ச்சி வடிகட்டி, ஆறியவுடன் பாதிக்கப்பட்டுள்ள இடத்தில் தடவி வர எப்படிப்பட்ட நாட்பட்ட புண்ணானாலும் விரைவில் குணமாகும். அறுவை சிகிச்சை செய்தப் புண்களுக்குக் கூட இது மிகவும் சிறந்த பலன் தருகிறது. இத்தைலம் அடர் பச்சை நிறத்தில் இருக்கும்.
2. எருக்கிலைச் சாறு (100 மிலி), தேங்காய் எண்ணெய் (100 மிலி), மஞ்சள்பொடி (3 கிராம்). இம்மூன்றையும் ஒன்றாகக் கலந்து சாறு வற்றும் வரை அடுப்பிலேற்றி நன்கு காய்ச்சி, வடிகட்டி ஆறியவுடன் கரப்பான் புண், அடிபட்ட புண், சிரங்கு, பொடுகுப் புண் ஆகியவைகளுக்கு வெளியே தடவி வர மிகச் சிறந்த பலனைத் தரும்; விரைவில் குணமாகும்.

04:பித்த தலைச்சுற்று, கண் எரிச்சல்
கொத்தமல்லி விதை (பத்து கிராம்), சீரகம் (பத்து கிராம்), நல்லெண்ணெய் (200 மிலி). அடுப்பில் சீரகம் நன்கு கருஞ்சிவந்த நிறத்தில் வரும் வரை காய்ச்சி (எண்ணெய் சூட்டிலேயே சீரகம் கருஞ்சிவப்பு நிறம் வரும்) பின் வடிகட்டி தலைக்குத் தேய்த்து நன்கு குளித்து வர உடன் தீரும். இரத்த அழுத்த நோயாளிகள் தொடர்ந்து மூன்று அல்லது நான்கு நாட்களுக்கு ஒருமுறை எண்ணெய் தேய்த்து குளித்தல் மிகவும் நல்லது. தினசரி தலையிலும் சிறிது தடவி வர மிகவும் நல்லது.

05:காதில், ஈ, எறும்பு நுழைந்துவிட்டால்
1. வீட்டருகே தானாக முளைத்து கிடக்கும் குப்பைமேனி எனும் செடியின் இலைச் சாற்றினை இரண்டு அல்லது மூன்று துளிகள் காதில் விட ஈ அல்லது எறும்பு உடனே வெளிவரும் அல்லது இறந்து போகும்.
2. சுத்தமான நீரில் சிறிது உப்பு சேர்த்து உப்பு நீராக்கி அதை மூன்று அல்லது ஐந்து துளி காதில் விட உடன் பலன் கிடைக்கும்.

06:உடன் தீப்பட்ட புண்ணுக்கு...
1. தீப்பட்டவுடன் சோற்றுக்கற்றாழை என்னும் குமரியை அதன் உள்ளிருக்கும் குழகுழப்பான சோற்றினை எடுத்து பாதிக்கப்பட்ட இடத்தில் வைத்துக் கட்ட எரிச்சல், காந்தல் உடன் தீரும். இதேபோல செம்பருத்தி இலை, பூ எடுத்து அரைத்தும் தடவலாம்.
2. வெந்தயத்தை நீரில் ஊறவைத்து அரைத்து பற்று போட உடன் காந்தல், எரிச்சல் தீரும்.
3. ஊமத்தை இலையை வெண்ணெயில் அரைத்துப் போட எரிச்சல் தீருவதுடன் புண்ணும் எளிதில் ஆறும்.
4. கருவேலம் பிசின் (அ) வெண் குங்கிலியம் என்னும் மருந்துச் சரக்கை தேங்காய் எண்ணெயில் சூடுசெய்து, அதில் கரைந்தவுடன் ஆறிய பின்பு தடவ எரிச்சல் தீரும். (இது நாட்டு மருந்துக் கடையில் கிடைக்கும்).

குழந்தைங்க....

2011-01-23T06:22:00.000-08:00

குழந்தைங்கன்னாலே அதுங்க பண்ற சேட்டை, துடுக்குத்தனம்,எல்லாத்தையும் பார்த்துகிட்டே இருக்கலாம்..தம் மழலை மொழியால் பேசுறத கேட்டா இன்னும் சந்தோஷமா இருக்கும்..அப்படி சேட்டை பண்ற குழந்தைய
அவங்க அம்மா அடிச்சோ, அல்லது திட்டியோ விட்டுட்டங்கன்னா,......குழந்தை திருப்பி அவங்க அம்மாவை திட்டினாலோ கலாய்ச்சாலோ.. எப்படி இருக்கும்......ம்....இந்த வீடியோவை பாருங்க....

லொள்ளு தான்.....

முதுகு வலிக்கு சில பயிற்சிகள்

2011-01-23T06:11:00.001-08:00

நம்மில் பல பேர் அலுவலகத்திலும்,வீடுகளிலும் அதிக நேரம் உட்கார்ந்து வேலை செய்கிறோம். மேலும் பல நேரங்களில் நீண்ட நேரம் வாகனம் ஓட்டுவதும் உண்டு.
ஆனால் அன்று இரவு படுக்கைக்கு போகும்போது தான் அந்த வலி தெரியும் ..
அந்த வலியை நாம் சாதாரணமாக நினைத்து உதாசீனப்படுத்த கூடாது.
அது மேலும் பல வலி,நோய்கள், இயலாமைக்கு வழி வகுத்து விடும்.
அதை சில பயிற்சிகள் மூலம் கட்டுப்படுத்தலாம்.
இதோ அந்த பயிற்சிகள் உங்களுக்காக...முயற்சி செய்து தான் பாருங்களேன்.

அ முதல் ஃ வரை இலவசமாய் இணையத்தில்

2011-01-23T06:01:00.001-08:00

தமிழ் இலக்கண நூல்கள், காப்பியங்கள், சமய இலக்கியங்கள், சிற்றிலக்கியங்கள், நெறிநூல்கள், கவிதை-உரைநடை நூல்கள்,நாட்டுப்புற இலக்கியங்கள், சிறுவர் இலக்கியங்கள் என்று பல்வேறு பிரிவுகளில் சுமார் 400 புத்தகங்களை வாங்கினால்உங்களுக்கு எவ்வளவு செலவு ஆகும்? புத்தக அலமாரி தாங்குமா? சொந்தமாக வாங்க முடியவில்லை என்றாலும் நூலகத்துக்கு சென்று படித்தால், இவ்வளவற்றையும் படிக்க எவ்வளவு காலம் ஆகும்?

கவலையே வேண்டாம். இத்தனையும் உங்களுக்கு இலவசம். உங்கள் புத்தக அலமாரியில் இவற்றுக்கு இடஒதுக்கீடும்வேண்டாம். நூலகத்துக்கு பாதம் தேய நடக்கவும் வேண்டாம். உட்கார்ந்த இடத்திலிருந்தே உங்கள் கணினியில் இணைய இணைப்பை சொடுக்கினால் போதும். அத்தனையும் உங்கள் மவுஸின் கட்டுப்பாட்டில்.

அதிசயமாக இருக்கிறதா? தமிழ் இணையக் கல்விக்கழகத்தின் மின்நூலகத்தை இணையத்தில் திறந்தோமானால் இன்னும் நிறைய ஆச்சரியங்கள் காத்துக் கிடக்கின்றன. இந்நூலகம் மொத்தம் பல்வேறு செயல்பாடுகளை கொண்டு தனித்துவத்தோடு இயங்கி வருகிறது.

தமிழ் இலக்கண நூல்களில் தொல்காப்பியத்தில் தொடங்கி புறப்பொருள் வெண்பாமாலை, யாப்பருங்கலம் என்று அறுவகை இலக்கணம் வரை தமிழின் ஆதார இலக்கணநூல்கள் 20 தொகுக்கப்பட்டிருக்கின்றன. சங்க இலக்கியங்களில் பத்துப்பாட்டு,எட்டுத்தொகை, பாட்டும் தொகையும் ஆகியவை இடம்பெற்றிருக்கின்றன. திருக்குறள், நாலடியார் தொடங்கி அத்தனை பதிணென்கீழ்க்கணக்கு நூல்களும் நூலகத்தில் உண்டு.

சிலப்பதிகாரத்தில் தொடங்கி தமிழின் முக்கிய காப்பியங்கள் அனைத்தும் இணையத்தில் ஏற்றப்பட்டிருக்கிறது. இவை மட்டுமன்றி சமய இலக்கியங்கள், சிற்றிலக்கியங்கள், நெறிநூல்கள், சித்தர்பாடல்கள் என்று திகட்ட திகட்ட தமிழமுதம் வாரி வாரி வழங்கப்படுகிறது.

சங்க இலக்கியங்கள் ரோமன் வரிவடிவத்திலும் தனியாக வழங்கப்பட்டிருப்பது குறிப்பிடத்தக்கது.

நான்கு அகராதிகள் தளத்தில் உண்டு. தமிழ் கலைக்களஞ்சியம் (என்சைக்ளோபீடியா) பத்து தொகுதிகள் கிடைக்கிறது. பல்வேறு துறைகளிலும் புழக்கத்தில் இருக்கும் புதிய கலைச்சொற்களை தொகுத்து கொடுக்கிறார்கள். தமிழ்த் தாத்தா உ.வே.சா. அவர்கள் தொகுத்த சுவடிகளை, சுவடிக் காட்சியகமாக கண்முண்ணே விரிகிறது. சுவடிகளை இணையத்தில் விளக்கங்களோடு வாசிக்கலாம்.

இவை மட்டுமல்லாது, பண்பாட்டுக் காட்சியகம் ஒன்றும் சிறப்பாக இங்கே இயங்குகிறது. இதில் திருத்தலங்கள், திருவிழாக்கள்,கலைகள், வரலாற்றுச் சின்னங்கள், விளையாட்டுகள் என்று தமிழருக்கான பாரம்பரியப் பெருமைகள் அனைத்துமே ஒலி-ஒளிகாட்சிகளாக சேகரிக்கப்பட்டிருக்கிறது.

தமிழ் குறித்தோ அல்லது தமிழர் குறித்தோ மேற்படிப்பு மற்றும் ஆராய்ச்சிகள் செய்ய விரும்புபவர்களுக்கு தமிழ் இணையக் கல்விக்கழகத்தின் மின்நூலகம், போதும் போதுமென்று சொல்லக்கூடிய அளவுக்கு தகவல்களை அள்ளி வழங்குகிறது.

ஒருமுறை இந்நூலகத்துக்குள் நுழைந்துவிட்டால் தமிழ் நம்மை ஈர்த்து இங்கேயே உட்கார வைத்துவிடும். இந்நூலகத்தில் இருக்கும் நூல்களை ஒருங்குறியில் (Unicode) மாற்றிவரும் பணிகள் நடந்துவருவதால், சில நூல்களை வாசிக்க எழுத்துருதேவைப்படும். எனவே முதன்முதலாக நூலகத்துக்குள் நுழையும்போது, தேவைப்படும் எழுத்துருவை உங்கள் கணினியில் நிறுவிவிடுவது நல்லது.

இதுவரை ஏறக்குறைய இரண்டு லட்சம் வருகைகளை பெற்றுள்ள இந்த நூலகத்துக்கு நீங்களும்தான் போய்ப் பாருங்களேன்.

இணைய முகவரி : http://www.tamilvu.org/library/libindex.htm

(நன்றி : புதிய தலைமுறை)

திருச்செந்தூர் ரயிலில் நாசவேலை

2010-12-01T06:10:00.000-08:00

திருச்செந்தூர் ரயிலில் நாசவேலை செய்தவர்கள்

தொழில் நுட்பம் தெரிந்தவர்களே!

பரபரப்பு தகவல்கள்!!

திருச்செந்தூர் இரயில் மர்ம நபர்கள் நாசவேலையால் என்ஜின் பழுதாகி நெல்லை செல்லாமல் நிறுத்தப்பட்டது. மேலும் நாசவேலையில் என்ஜின் தொழில்நுட்பம் தெரிந்தவர்களே ஈடுபட்டிருக்கலாம் எனவும் சந்தேகம் எழுந்துள்ளது.

திருச்செந்தூரிலிருந்து நெல்லைக்கு தினசரி காலை 7.20, மதியம் 2.20, மாலை 4.15 மற்றும் மாலை 6.00 மணிக்கு பயணிகள் இரயிலும், நெல்லையிலிருந்து திருச்செந்தூருக்கு காலை 7.10, காலை 9.35, பகல் 11.15 , 6.15 மணிக்கும், பயணிகள் இரயில் போக்குவரத்து நடக்கிறது. இது போக பிரதி வியாழன் தோறும் இரவு 7.15 மணிக்கு திருச்செந்தூரிலிருந்து சென்னைக்கு செந்தூர் எக்ஸ்பிரஸ் ரயிலும் செல்கின்றது.

இன்று காலையில் வழக்கம் போல் திருச்செந்தூரிலிருந்து காலை 7.20 மணிக்கு நெல்லை செல்லும் பயணிகள் இரயில் (எண். 732) புறப்படுவதற்கு தயாராக உள்ளதா என்ற சோதனைக்காக என்ஜின் கேபினுக்குள் லோகோ பைலட் (இரயில் என்ஜின் டிரைவர்) மந்திரம் மற்றும் உதவியாளர் வெள்ளையன் ஆகியோர் முனைந்தனர். அப்போது தான் ரயில் இன்ஜினுடன் இணைந்த ஜெனரேட்டரிலிருந்து வரும் மின்சாரத்தை கட்டுப்டுத்தும் ஏசிசிஆர் என்ற கண்ட்ரோல் கேபிளை யாரோ மர்மநபர்கள் கழற்றிப் போட்டிருப்பது தெரியவந்தது.

சம்பவம் தொடர்பாக லோகோ பைலட்கள் ரயில்வே நிலையம், நிலையத்துடன் இணைந்திருக்கும் ரயில்வே போலீஸ் ஸ்டேசன், மற்றும் திருச்செந்தூர் தாலுகா காவல் நிலையத்திற்கும் தகவல் கொடுத்தனர். மேலும் தென்னக ரயில்வே தலைமையகத்திற்கும் அவசர தகவல் கொடுக்கப்பட்டதன் பேரில் அங்குள்ள அதிகாரிகள் இரயில் என்ஜினை பழுதுபார்க்க ஆள்வரும் வரை நிறுத்திவைக்குமாறு அதிகாரிகள் ஆணையிட்டனர்.

தகவலின் பேரில் திருநெல்வேலி இரயில்வே கோட்ட காவல் சார்பு ஆய்வாளர் சங்கர், மற்றும் திருச்செந்தூர் தாலுகா இன்ஸ்பெக்டர் இசக்கி உள்ளிட்டோர் இரயில் என்ஜினை பார்வையிட்டும், கைரேகை நிபுணர்கள் வந்து சோதனையும் செய்தனர். இரயில் நிலையத்திலும தீவிர சோதனை செய்யப்பட்டது.

விசாரணை துவக்கத்திலே மர்ம நபர்கள் இரயில் என்ஜின் கேபினுக்குள் நுழைந்து ஏசிசிஆர் இணைப்பை ஸ்பேனர் கொண்டுதான் கழற்றி உள்ளது தெரியவந்தது. எனவே தொழில் நுட்பம் தெரிந்தவர்கள்தான் இந்த செயலில் ஈடுபட்டிருப்பது வெட்டவெளிச்சமாகியது. முர்மநபர்கள் நாசவேலை மூலம் இரயில் என்ஜினை பழுது செய்ய முயற்சித்தது இரயிலை நிறுத்தவா அல்லது திருடத்தானா என்ற கோணத்தில் போலீஸ் விசாரணை செய்து வருகின்றது.

எல்லாவற்றையும் விட இரயில்வே போலீஸ் ஸ்டேசனுக்கு முன்பு தான் இந்த இரயில் என்ஜின் நிறுத்தப்பட்டிருந்ததும், பாதுகாப்பு பணியில் இரண்டு போலீசார் ஈடுபட்டிருந்த வேளையில் கூட சம்பவம் நடந்ததுதான் மிக்க வேடிக்கையாக உள்ளது.

தினசரி காலையில் நெல்லை செல்லும் இந்த இரயிலில் திருச்செந்தூர், காயல்பட்டினம், ஆறுமுகநேரி, குரும்பூர், நாசரேத், ஸ்ரீவைகுண்டம் பகுதியிலிருந்து பள்ளி, கல்லூரிக்குச் செல்பவர்கள், அரசு மற்றும் தனியார் பணிக்குச் செல்பவர்கள் என ஒரு கூட்டமே நாள்தோறும் பயணிக்கும்.. திடீரென ஏற்பட்ட இரயில் என்ஜின் பழுதால் இரயிலானது நிறுத்தப்பட்டதால் வழக்கமான பயணிகள் அனைவரும் பெரிதும் ஏமாற்றத்துடன் இரயில்நிலையத்திலிருந்து திரும்பிச் சென்றனர்.

மேலும் இந்த இரயிலானது நெல்லைக்குச் சென்று அங்கிருந்து காலை 9.30 மணிக்கு மீண்டும் திருச்செந்தூருக்கு புறப்படுவதும் தடைபட்டதால், சென்னையிலிருந்து நெல்லைக்கு வரும் பயணிகள் திருச்செந்தூருக்கு வழக்கமாக இந்த இரயிலில் வருவதும் தடைபட்டது.

இதே போல் கடந்த 2008-ம் ஆண்டும் மர்மநபர்கள் ரயில் என்ஜின் கேபிள்களை அறுத்திருந்தனர். அச்சம்பவம் தொடர்பானவர்கள் இதுவரையும் கைது செய்யப்படாத வேளையில் மீண்டும் ஒரு நாசவேலை நடந்திருப்பது அனைவரையும் பெரும் அதிர்ச்சியடைய வைத்துள்ளது

தூத்துக்குடியில் தொழில்திறன் படைத்தவர்களுக்கு சிறப்பு வேலைவாய்ப்பு முகாம்: ஆட்சியர் தகவல்!

2010-11-12T09:05:00.000-08:00

தூத்துக்குடி மாவட்டத்தில் தொழில்திறன் படைத்தவர்களுக்கு சிறப்பு வேலைவாய்ப்பு முகாம் நடத்தப்படுகிறது, என் மாவட்ட ஆட்சியர் சி.என்.மகேஸ்வரன் தெரிவித்துள்ளார்.

இதுகுறித்து அவர் வெளியிட்டுள்ள செய்திக்குறிப்பு: தூத்துக்குடி மாவட்டத்தில் தொழில்திறன் படைத்தவர்கள், தொழிற்பயிற்சி முடித்து வேலை இல்லாமல் இருப்பவர்கள் மற்றும் படித்து வேலைக்கு காத்திருக்கும் இளைஞர்களுக்கு தகுந்த வேலைவாய்ப்பு ஏற்படுத்தி தருவதற்கு நடவடிக்கை எடுக்கப்பட்டு வருகிறது.

இதற்காக தொழில் நிறுவனங்கள் மற்றும் தொழில்திறன் படைத்த இளைஞர்களை ஒருங்கிணைத்து, அடுத்த மாதம் 11-ந் தேதி தூத்துக்குடி மாவட்ட தொழில் மையம் சார்பில் வேலைவாய்ப்பு முகாம் நடத்த உத்தேசிக்கப்பட்டு உள்ளது.

அதற்கு முன்னோடியாக, வேலைக்கு ஏற்ற தொழில் நிறுவனங்களை தேர்வு செய்வதற்கு ஏதுவாக, வருகிற 22, 23-ந் தேதிகளில் தொழில் திறன் படைத்த, படித்த இளைஞர்கள் தங்களது கல்வித்தகுதி, வயது, விரும்பும் பணியிடம் போன்ற விவரங்களை அளிக்க வேண்டும். இதற்காக கல்விச்சான்று மற்றும் இதர சான்றுகளின் நகல்களுடன், சுயவிவர குறிப்புடன் நேரில் ஆஜராகி பதிவு செய்ய கேட்டுக் கொள்ளப்படுகிறார்கள்.

மேலும் இந்த வேலைவாய்ப்பு முகாமில் தூத்துக்குடி மாவட்டத்தில் உள்ள தொழில் நிறுவனங்கள் பங்கேற்று தகுதியான தொழில்திறன் படைத்தவர்களை தங்களது நிறுவனத்துக்கு தேர்வு செய்ய கேட்டுக் கொள்ளப்படுகிறார்கள்.

தொழில் நிறவனங்கள் தங்களுக்கு தேவைப்படும் பணியாளர்களின் கல்வித்தகுதி, அனுபவம் போன்ற விவரங்களை வருகிற 26ம் தேதிக்குள் தூத்துக்குடி மாவட்ட தொழில் மையத்தில் நேரிலோ, தபால் மூலமாகவோ அனுப்ப கேட்டுக் கொள்ளப்படுகிறார்கள்.

இதுதொடர்பாக மேலும் தகவல் அறிய விரும்புவோர் 0461-2340152, 2340053 ஆகிய தொலைபேசி எண்களில் தொடர்பு கொள்ளலாம் என்று மாவட்ட ஆட்சியர் சி.என்.மகேஸ்வரன் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.

+2 தேர்வில் 80% மதிப்பெண் எடுத்தவர்களுக்கு ....

2010-11-11T00:27:00.000-08:00

2010 +2 தேர்வில் 80% மதிப்பெண் எடுத்து இந்த ஆண்டு 2010-ல் பட்ட படிப்பு (BA /B.Sc/ B.E/ B.Tech/ B.Com/ BBA/ B.Pharm/ B.Arch etc...) சேர்ந்த மாணவர்களுக்கு மாதம் ரூ1,000 மத்திய அரசால் வழங்ப்படுகின்றது (முதுகலை (Master Degree)படிக்கும் போது மாதம் ரூ.2,000 வழங்கப்படும்). 2009 மற்றும் அதற்க்கு முன்னர் தேர்சி பெற்றவர்களுக்கு இந்த உதவி தொகை கிடைக்காது. இது 2010-ல் 80 % மதிப்பெண் எடுத்தவர்களுக்கு மட்டுமே. இந்த உதவி தொகை. தமிழகத்தில் மொத்தம் 4883 மாணவர்களுக்கு மட்டுமே வழங்கப்படும். பெற்றோரின் ஆண்டு வருமானம் ரூ.4,50,000-க்கு குறைவாக இருக்க வேண்டும்.

மாணவர்கள் இந்த இணையதளத்திற்க்கு http://www.tn.gov.in/dge/scholarship/login.php சென்று தங்களுடைய +2 தேர்வு பதிவு எண்ணை (Registration Number) சமர்பிக்கவேண்டும் தங்களுடைய மதிப்பெண்ணை சரிபார்த்து 80% சதவீதத்திற்க்கு மேல் இருந்தால் விண்ணப்ப படிவத்தை டவுன்லோட் செய்யலாம். நவம்பர் 12-ஆம் தேதி வரைதான் விண்ணப்பத்தை டவுன்லோடு செய்ய முடியும் . பூர்த்தி செய்து அனுப்ப கடைசி தேதி நவம்பர் 16.

உடன் சமர்பிக்க வேண்டிய சான்றிதழ்கள்

1. சாதி சான்றிதழ்
2. வருமான சான்றிதழ்
3. +2 மதிப்பெண் சான்றிதழ்

பூர்தி செய்யப்ப்பட்ட விண்ணப்பத்தை அனுப்ப வேண்டிய முகவரி

இணை இயக்குனர் ( மேல் நிலை)
அரசு தேர்வுகள் இயக்ககம்
DPI. வளாகம், கல்லூரி சாலை
சென்னை - 600006

மேலும் விபரம் இந்த இணையதளத்தில் http://www.tn.gov.in/dge உள்ளது.

இந்த கல்வி உதவி தொகை பற்றிய முழு விபரம் தமிழில் அட்டச்மென்ட்டில் உள்ளது. விண்ணப்ப படிவமும் உள்ளது.

தூத்துக்குடி மாவட்டத்தில் கல்விக் கட்டணம் வசூலிக்க தடை செய்யப்பட்ட பள்ளிகள் விபரம்!

2010-10-25T22:20:00.000-07:00

தனியார் பள்ளிகளுக்கான கட்டண விவரங்கள் தமிழக அரசு இணைய தளத்தில் வெளியிடப்பட்டன. தூத்துக்குடி மாவட்டத்தில், கமிட்டி கேட்ட விவரம் தராத 27 பள்ளிகள் கல்விக் கட்டணம் வசூலிக்க தடை விதிக்கப்பட்டுள்ளது.

தமிழகத்தில் 10934 தனியார் பள்ளிகள் உள்ளன. இவற்றில் அதிக கட்டணம் வசூலிக்கப்படுவதாக பொதுமக்கள் தரப்பில் புகார் வந்தது. இதன்பேரில் கட்டணத்தை முறைப்படுத்த சட்டம் இயற்றப்பட்டது. இந்த சட்டத்தின் கீழ் தனியார் சுயநிதிப் பள்ளிகளில் கட்டணம் நிர்ணயம் செய்ய நீதிபதி கோவிந்தராஜன் தலைமையில் கமிட்டி அமைக்கப்பட்டது.

இந்த கமிட்டி மூலம் 2009 டிசம்பர் மாதம் 10934 பள்ளிகளின் விவரங்கள் கேட்கப்பட்டது. அதன் அடிப்படையில் ஒவ்வொரு பள்ளிக்கும் தனித்தனிக் கட்டணம் நிர்ணயம் செய்யப்பட்டது. இதை 6400 பள்ளிகள் ஏற்றுக் கொள்ளவில்லை. மேலும் அந்த கட்டணத்தை மாற்ற வேண்டும் என்று மேல்முறையீடு செய்தன.

கமிட்டி கேட்ட போதிய விவரங்களை அளிக்காத 533 பள்ளிகளுக்கு கட்டணம் நிர்ணயிக்கவில்லை. கமிட்டியில் இருந்து எழுத்துபூர்வமாக தகவல் வரும் வரை மேற்கண்ட 533 பள்ளிகள் கட்டணம் ஏதும் வசூலிக்க கூடாது என்றும் தெரிவிக்கப்பட்டுள்ளது. இதில் தூத்துக்குடி மாவட்டத்தில் மட்டும் 27 பள்ளிகளுக்கு கட்டணம் வசூலிக்க தடை விதிக்கப்பட்டுள்ளது.

தூத்துக்குடி மாவட்டத்தில் கல்விக் கட்டணம் வசூலிக்க தடை விதிக்கப்பட்ட பள்ளிகள்:

மெகாவாய் பள்ளி - ஓட்டப்பிடாரம், மணல்மாதா மேல்நிலைப்பள்ளி - சொக்கன்குடியிருப்பு, திருஅருள் மேல்நிலைப் பள்ளி - குலசேகரன்பட்டினம், கோவிந்தம்மாள் ஆதித்தனார் பெண்கள் மேல்நிலைப் பள்ளி - திருச்செந்தூர், முத்துக்கருப்பன் மேல்நிலைப் பள்ளி - சில்லான்குளம், ஷ்யாமளா மேல்நிலைப் பள்ளி - இலுப்பையூரணி, இந்து பிரைமரிப் பள்ளி - உடன்குடி, காமராஜ் நர்சரி & பிரைமரி - தூத்துக்குடி, ஆர்சி நடுநிலைப் பள்ளி - புதியம்புத்தூர், செந்தில் ஆண்டவர் நடுநிலைப் பள்ளி - உடன்குடி, இந்து நடுநிலைப் பள்ளி - சொக்கலிங்கபுரம், ஜோசப் நடுநிலைப் பள்ளி - செட்டிவிளை, தங்கம்மாள் நினைவு மேல்நிலைப் பள்ளி - தூத்துக்குடி, ஜோசப் பெண்கள் மேல்நிலைப்பள்ளி - புதுக்கோட்டை, சிவந்தி ஆதித்தனார் பள்ளி - திருச்செந்தூர், புனித அனீஸ் பள்ளி - உடன்குடி, ஹோலிகிராஸ் பிரைமரி ஸ்கூல் - மனப்பாடு, புனித அனீஸ் பள்ளி - தட்டார்மடம், இந்து நடுநிலைப் பள்ளி - பெருங்குளம், புனித ஜோசப் பள்ளி - கோவில்பட்டி, விஸ்வகர்மா மேல்நிலைப் பள்ளி - கோவில்பட்டி, வள்ளிமுத்து மேல்நிலைப்பள்ளி - கோவில்பட்டி, ஆரோக்கிய அன்னை நடுநிலைப்பள்ளி - திருச்செந்தூர், சி.எம். மேல்நிலைப் பள்ளி - தூத்துக்குடி, பாத்திமா நடுநிலைப் பள்ளி - தூத்துக்குடி, ஜார்ஜ் மெமொரியல் பள்ளி - தூத்துக்குடி, இந்து உயர்நிலைப் பள்ளி - பூச்சிக்காடு.

news source:http://www.tutyonline.net/view/31_8246/20101025125526.html

மீண்டும் ஒரு வாய்ப்பு.....

2010-10-11T22:16:00.000-07:00

வேலைவாய்ப்பற்ற இளைஞர்கள் உதவித்தொகை பெற விண்ணப்பிக்கலாம்!

2010-10-10T04:08:00.000-07:00

தூத்துக்குடி மாவட்டத்தில் வேலைவாய்ப்பற்ற இளைஞர்களுக்கான உதவித்தொகை பெற தகுதியுடைய பதிவுதாரர்கள் விண்ணப்பிக்கலாம் என்று மாவட்ட வேலைவாய்ப்பு அலுவலர் கு.கலைச்செல்வன் தெரிவித்து உள்ளார்.

இது குறித்து அவர் வெளியிட்டுள்ள அறிக்கையில்: மாவட்ட வேலைவாய்ப்பு அலுவலகத்தில் பதிவு செய்து 5 ஆண்டுகளுக்கும், மாற்று திறனாளிகள் 1 ஆண்டுகளுக்கும் மேலாக வேலைவாய்ப்புக்காக காத்திருக்கும் இளைஞர்களுக்கு மாதாந்திர உதவித்தொகை வழங்கப்பட்டு வருகிறது. இந்த திட்டத்தில் பயன்பெற ஆண்டு வருமான வரம்பு ரூ.50 ஆயிரம் ஆகும்.

இது வரை இந்த திட்டத்தில் பயன்பெற விண்ணப்பிக்காதவர்கள் 30-11-2010-க்கு முன்பு மாவட்ட வேலைவாய்ப்பு அலுவலகத்தில் வழங்கப்படும் இலவச விண்ணப்ப படிவத்தை பெற்று விண்ணப்பிக்க கேட்டுக் கொள்ளப்படுகிறார்கள்.

இந்த திட்டத்தில் பயன்பெற பள்ளி இறுதி வகுப்புக்கு மேலான கல்வித்தகுதியை வேலைவாய்ப்பு அலுவலகத்தில் பதிவு செய்து 5 ஆண்டுகள் நிறைவு பெற்று இருக்க வேண்டும், மாற்றுத்திறனாளிகளுக்கு பள்ளி இறுதி மற்றும் அதற்கு கீழ் உள்ள கல்வித்தகுதியை வேலைவாய்ப்பு அலுவலகத்தில் பதிவு செய்து ஒரு ஆண்டு நிறைவு பெற்று இருக்க வேண்டும்.

வயது வரம்பு தாழ்த்தப்பட்ட வகுப்பினருக்கு 45 வயதுக்குள்ளும், இதர வகுப்பினருக்கு 40 வயதுக்குள்ளும் இருக்க வேண்டும், பதிவு தாரர்கள் தங்களது வேலைவாய்ப்பு அலுவலக பதிவை நாளது தேதி வரை புதுப்பித்து இருக்க வேண்டும்.

விண்ணப்ப படிவத்துடன் வருவாய் ஆய்வாளர் அளவில் வழங்கப்பட்ட தகுதி சான்று, அரசுடைமையாக்கப்பட்ட வங்கிகளில் விண்ணப்பதாரர் பெயரில் புதிதாக தொடங்கப்பட்ட வங்கி கணக்கு புத்தகம், வேலைவாய்ப்பு அடையாள அட்டை நகல் ஆகிய ஆவணங்களை இணைத்து மாவட்ட வேலைவாய்ப்பு அலுவலகத்தில் வருகிற 30-11-2010 வரை அலுவலக நாட்களில் காலை 10 மணி முதல் பிற்பகல் 2 மணி வரை சமர்ப்பிக்கலாம்.

ஏற்கனவே இந்த திட்டத்தில் உதவித் தொகை பெற்று வரும் பயனாளிகள் ஆண்டுக்கு ஒருமுறை சமர்ப்பிக்க வேண்டிய சுய உறுதிமொழி ஆவணத்தை சமர்ப்பிக்க வேண்டும். சுய உறுதிமொழி ஆணவம் சமர்ப்பிக்காதவர்களுக்கு தொடர்ந்து உதவித்தொகை வழங்குவது நிறுத்தப்படும்.இவ்வாறு தூத்துக்குடி மாவட்ட வேலைவாய்ப்பு அலுவலர் கு.கலைச்செல்வன் தெரிவித்து உள்ளார்.

இளைஞர்களுக்கு வேலைவாய்ப்புடன் கூடிய தொழிற்பயிற்சி

2010-08-21T11:57:00.000-07:00

மகளிர் திட்டம் மூலமாக இளைஞர்களுக்கு வேலைவாய்ப்புடன் கூடிய தொழிற்பயிற்சி அளிக்கப்படுகிறது. வரும் 25ம் தேதிக்குள் இதற்கு விண்ணப்பம் செய்யுமாறு ஆட்சியர் கேட்டுக்கொண்டுள்ளார்.

இது குறித்து தூத்துக்குடி மாவட்ட ஆட்சியர் பிரகாஷ் வெளியிட்டுள்ள செய்திக்குறிப்பில்,
தமிழக அரசின் சீரிய முயற்சியால் வெளிநாட்டு தொழில் நிறுவனங்கள் மற்றும் உள்நாட்டு தொழில் நிறுவனங்கள் தமிழகத்தில் தொழிற்சாலைகள் அமைப்பதில் ஆர்வம் காட்டி வருகின்றன. இதனால் ஏராளமான தொழில் வாய்ப்புகளும் உருவாகி உள்ளது. படித்த இளைஞர்களுக்கு இது ஒரு அரிய வாய்ப்பாகும். தொழிற்பயிற்சி பெற்ற அனைத்து இளைஞர்களுக்கும் தமிழகத்தில் அயல்நாடுகளிலும் வேலைவாய்ப்புகள் பெருகி வருகின்றன.

படித்த இளைஞர்களுக்கு இலவசமாக தொழிற்பயிற்சி அளிக்க அரசு முடிவு செய்து அதற்காக முதல்கட்டமாக 2006ம் ஆண்டு முதல் மகளிர் திட்டம் மூலமாக இலவச தொழிற்பயிற்சி இளைஞர்களுக்கு வழங்கப்பட்டு வருகிறது.2010-2011ம் ஆண்டிற்கு ஏழ்மை நிலையில் உள்ள கிராமம் மற்றும் நகர்புறத்தில் வசிக்கும் 200 இளைஞர்களுக்கு தொழிற்பயிற்சி அளிக்க நிதி ஒதுக்கப்பட்டுள்ளது.

ஜெ.சி.பி இயக்குதல் மற்றும் பராமரித்தல் இரண்டு மாதப் பயிற்சி, ஹெவிகிரேன் இயக்குதல் மற்றும் பராமரித்தல் 2 மாத பயிற்சி, போர்க் லிப்ட் இயக்குதல் மற்றும் பராமரித்தல் இரண்டு மாத பயிற்சி, கம்ப்யூட்டர் பயிற்சி (எம்எஸ் ஆபிஸ், டிசிஏ அன்ட் டேலி) 3 மற்றும் 4 மாத பயிற்சி, மருந்தாய்வக தொழில்நுட்ப வல்லுநர் 6 மாத பயிற்சி. இந்த பயிற்சிக்கு தகுதியுள்ள இளைஞர்கள், இளம் பெண்கள் உடனடியாக விண்ணப்பம் செய்யலாம். குறைந்தது பத்தாம் வகுப்பு தேர்ச்சி பெற்றிருக்க வேண்டும்.

வயது 18 முதல் 35 வரை இருக்க வேண்டும். ஊரக மற்றும் நகர்புற சுய உதவிக்குழுவில் உறுப்பினராக இருப்பவரும், உறுப்பினராக இருப்பவரின் வாரிசுகளும், குழு உறுப்பினர்களாக இல்லாதவர்களும் விண்ணப்பிக்கலாம். பயிற்சிக் காலத்தில் நாள் ஒன்றுக்கு 25 ரூபாய் வீதம் உதவித் தொகை வழங்கப்படும்.

இதற்கான விண்ணப்பங்களை மாவட்ட ஆட்சியர் ஆபிஸ் வளாகத்தில் உள்ள மாவட்ட மகளிர் திட்ட அலுவலகத்தில் அலுவலக வேலை நேரத்தில் மட்டும் இலவசமாக பெற்றுக் கொள்ளலாம். பூர்த்தி செய்யப்பட்ட விண்ணப்பங்கள் வரும் 25ம் தேதி மாலை 5 மணிக்குள் கிடைக்கும் அளவிற்கு அனுப்ப வேண்டும். இவ்வாறு தனது அறிக்கையில் கூறியுள்ளார்.

இச்செய்தியை வெளியிட உதவிய திரு.தர்மர் ரோட்ரிகோ அவர்களுக்கு எங்களது நன்றியையும் பாராட்டையும் தெரிவித்துகொள்கிறோம். கீழே கொடுக்கப்பட்டுள்ள Link-ன் செய்தியை தான் இங்கும் எழுதியிருக்கிறோம்.

http://www.tutyonline.net/view/31_6574/20100820081020.html

புனித தோமையார் மக்கள் நல சங்கத்தின் அறிவிப்பு

2010-08-17T10:34:00.000-07:00

பட்டணத்தில் வாறுகால் அமைக்கும் பணி

2010-08-17T10:32:00.000-07:00

ஜுபிலி ஆண்டு கொடியேற்றம்

2010-08-16T11:54:00.000-07:00

புனித கன்னிமரியாளின் விண்ணேற்பு பெருவிழா ஆகஸ்ட் 15 அன்று மிக சிறப்பாக கொண்டாடப்பட்டது. திருவிழா திருப்பலி முடிந்தவுடன்,பரலோக அன்னையின் திருவிழாவிற்காக ஏற்றப்பட்ட கொடி இறக்கப்பட்டது. மேலும் புனித தோமையார் தேவாலயம் கட்டப்பட்டு, 125 வது ஜுபிலி ஆண்டின் தொடக்கமாக, பங்குத்தந்தை.திரு.ஜோசப் அடிகளார் ஜுபிலி கொடியினை ஏற்றினார்.
அதன் பின்னர்
சுதந்திரதினத்தை கொண்டாடும் வகையில் நமது தேசியக்கொடி ஆலயத்தின் முன் பரிசுத்த கார்மேல் மாதா கொம்பீரிய சபையின் பிரசந்தியார் திரு.நிக்சன் பர்னாந்து அவர்களால் ஏற்றப்பட்டது.

விழாவில் எடுக்கப்பட்ட புகைப்படங்கள் கீழே இணைக்கப்பட்டுள்ளது.:

இயேசுவின் திரு இருதய கொம்பீரிய சபை திருவிழா-video

2010-07-11T11:39:00.000-07:00

நேற்று மிக சிறப்பாக கொண்டாடப்பட்ட இயேசுவின் திரு இருதய கொம்பீரிய சபை திருவிழா,நற்கருணை பவனியின் வீடியோ....

புனித ஞானபிரகாசியார் சபை திருவிழா

2010-06-27T13:31:00.000-07:00

நமதூர் பங்கிலுள்ள இளைஞர்களின் சபையான புனித ஞானபிரகாசியார் சபையின்

ஆண்டு விழா நேற்று (27-6-10/ஞாயிற்றுகிழமை) மிக சிறப்பாக கொண்டாடப்பட்டது.

பங்குதந்தையர்கள் அருட்திரு ஜோசப் அடிகளார்,அருட்திரு.ராஜன் அடிகளார்,திருவிழா சிறப்பு திருப்பலியை நிறைவேற்ற,

சபையின் நிர்வாகிகளும்,உறுப்பினர்களும்,பங்குமக்களும் கலந்து கொண்டு விழாவை சிறப்பித்தார்கள்.

2009-10 ஆண்டின்
சபை நிர்வாகிகள்

பின்னர் மாலையில் திவ்ய நற்கருணை ஆராதனையுடன்,சபையின் புதிய நிர்வாகிகள் பதவியேற்பும் நடந்தது. 2010-11 ஆம் ஆண்டிற்கான, புதிய தலைவராக செல்வன்,ஜினோட்டோ(S/O.திரு,ஆஸ்பன் வி.ராயன்) பொறுப்பேற்றார்.அதனை தொடர்ந்து பங்குதந்தை இல்லத்தில்,பங்குதந்தையின் முன்னிலையில் நடைபெற்ற கூட்டத்தில் ஆண்டறிக்கை வாசிக்கப்பட்டு,கடந்த ஆண்டின் தலைவர் திரு.கரோல் பர்னாந்து புதிய தலைவருக்கு பொன்னாடை போர்த்தி,பொறுப்பினை வழங்கினார்.

தேநீர் விருந்துடன் விழா இனிதே நிறைவுற்றது.

புதிய சபை நிர்வாகிகள்

செல்வன்.ஜினோட்டோ ,பங்குதந்தை அருட்திரு,ஜோசப் அடிகளார்,திரு.கரோல் பர்னாந்து.

புதிய தலைவருக்கு பொன்னாடை

முந்தைய தலைவருக்கு,புதிய தலைவரின் பொன்னாடை

புதிய தலைவரின் ஏற்புரை

புதிய தலைவரின் இல்லத்துக்கு.....

கத்தோலிக்க திருச்சபை இந்த ஆண்டை இளைஞர் ஆண்டாக அறிவித்திருக்கும் இந்த

நேரத்தில், புதிய செயற்குழு நிர்வாகிகளும்,உறுப்பினர்களும் சிறப்பாக பணிபுரிய வாழ்த்தி வரவேற்கிறோம்.

திருச்சபையின் இளைஞர் ஆண்டு

2010-06-27T13:11:00.000-07:00

கடந்த ஆண்டை குருக்கள் ஆண்டாக சிறப்பித்த நமது திருச்சபை,இனி வரும் ஆண்டை இளைஞர் ஆண்டாக அறிவித்துள்ளது. கடந்த வெள்ளியன்று
தூத்துக்குடியில் குருக்கள் ஆண்டின் நிறைவு விழா சிறப்பாக கொண்டாடப்பட்டது. திருச்சபையின் இந்த இளைஞர்கள் ஆண்டில்,தூத்துக்குடி மறைமாவட்டத்தின் சார்பாக பல்வேறு நிகழ்ச்சிகளும்,வழிகாட்டுதல் முகாம்களும், கருத்தரங்குகளும்,இளைஞர்களுக்கான சமூக வளர்ச்சி பணிகளும் நடைபெறும் என தெரிகிறது.

செயின்ட் ஜோசப் மெட்ரிகுலேசன் பள்ளி - புதிய கட்டிடம் திறப்பு

2010-06-05T22:09:00.000-07:00

ஜூன் -௨
நமதூரில் காயல்பட்டணம் சாலையில் புதிதாக கட்டப்பட்டுள்ள செயின்ட் ஜோசப் மெட்ரிகுலேசன் பள்ளியின் புதிய கட்டிடத்தை தூத்துக்குடி மறைமாவட்ட ஆயர் மேதகு.இவான் அம்புரோஸ் அடிகளார் அவர்களால் திறந்து வைக்கப்பட்டது.இதில் நமதூர்
பங்குதந்தையர்கள்,அருட்சகோதரிகள்,பங்கு மக்கள், திருசெந்தூர் சட்டமன்ற உறுப்பினர் திரு.அனிதா ர.ராதாக்ருஷ்ணன் அவர்களும் கலந்து கொண்டு விழாவை சிறப்பித்தார்கள்.

இவர்களது கல்விப்பணி சிறக்க எங்களது வாழ்த்துக்கள்.

புதிய பங்குதந்தைக்கு வரவேற்பு

2010-05-24T02:46:00.000-07:00

மே-23 :

கடந்த மாதங்களில் நமதூர் பங்கில் பணியாற்றிய அருட்திரு.செட்ரிக் பீரிஸ் அடிகளார் மாற்றலாகி செல்வதால், புதிதாக நம் பங்கில் பதவியேற்கும் அருட்திரு.ஜோசப் அடிகளார் அவர்களுக்கு
, ஞாயிறு(23.05.10) மாலை 7.00 மணியளவில் பங்கு ஆலயத்தில் வரவேற்பு அளிக்கப்பட்டது.
,பங்கு மக்களும்,பக்த சபைகளும்கலந்து கொண்டு இந்நிகழ்ச்சியை சிறப்பித்தார்கள்.

புதிய துணை பங்குத்தந்தை பதவியேற்பு

2010-05-23T08:01:00.003-07:00

நமதூரில் கடந்த ஒரு வரு காலமாக உதவி பங்குத்தந்தையாக பணியாற்றிய அருட்திரு.ஜோ அடிகளார் அவர்கள் தூத்துக்குடி துறைமுக
பங்குக்கு மாற்றலாகி செல்கிறார்.அவருக்கு மாற்றலாக புதிய துணைப்பங்குத்தந்தையாக அருட்திரு.ராஜன் அடிகளார் பொறுப்பேற்றிருக்கிறார்கள். அவர்களுக்கு பங்கு மக்களின் சார்பாக எங்கள் வரவேற்பும் ,வாழ்த்துக்களும்....

நமதூரில் ஐவர் கால்பந்தாட்டப் போட்டி துவக்கம்

2010-05-23T08:01:00.001-07:00

நமதூரை சார்ந்த உடற்பயிற்சி ஆசிரியர் குழு சார்பாக,12 ஆம் வகுப்பு வரை பயிலும் மாணவர்களுக்கான (நமதூர் மாணவர்கள் மட்டும்) உள்ளூர் அளவிலான ஐவர் கால்பந்து போட்டி நடத்தப்படுகிறது.
இதில் மொத்தம் 6 அணிகள் பங்கேற்கின்றன. கால் இறுதி மற்றும் அரை இறுதி போட்டிகள் 16-5-2010 அன்று முடிவடைந்த நிலையில்,இறுதிப்போட்டி வரும் 23-5-2010 அன்று நடைபெற இருக்கிறது.

+2 தேர்வில் தூய தோமையார் மேல்நிலைப்பள்ளி 100% தேர்ச்சி

2010-05-23T07:58:00.001-07:00

2009-10 ம் ஆண்டிற்கான +2 தேர்வு முடிவுகள் மே 15 ம் தேதி வெளியிடப்பட்டது.
இதில் நமதூரின் தூய தோமையார் மேல்நிலைப்பள்ளி மாணவ,
மாணவியர்கள் 100% தேர்ச்சி பெற்றுள்ளார்கள். மேலும் 12 மாணவ,மாணவியர்கள் 1000க்கு மேல் மதிப்பெண் பெற்று சாதனை படைத்துள்ளார்கள். அனைவருக்கும்,நற்பணி புரிந்த ஆசிரியர்களுக்கும் எங்கள் மனமார்ந்த வாழ்த்துக்கள்.